الەمگە ايگىلى برەند، بالالاردىڭ سۇيىكتى ويىنشىعىنا اينالعان باربي قۋىرشاعىنىڭ ايتارلىقتاي تاريحى بار. اتالعان ويىنشىق ءتۇرى سوناۋ وتكەن عاسىردىڭ ورتا شەنىنەن بەرى، دالىرەگى، 1959 جىلدان بەرى ساتىلىپ كەلە جاتىر. الايدا، سوڭعى جىلدارى بۇل قۋىرشاققا سۇرانىس ازايعان. مەنەدجەرلەر ەندى ونى وتكىزۋدىڭ جاڭا ءتاسىلىن تاپقان سىڭايلى: قۋىرشاققا حيدجاب كيگىزۋ ارقىلى سۇرانىستى ارتتىرۋعا بولادى دەپ سانايدى. بۇل جولى حيدجابتى قۋىرشاقتى وتكىزۋ ماقساتىندا پايدالانىپ وتىر دەپ جازادى قامشى اقپاراتتىق اگەنتتىگى islam.kz سىلتەمە جاساي وتىرىپ. 

وتكەن ايدا پيتتسبۋرگتىڭ ءۇش تۇرعىنى، دالىرەگى، جيزەل فەتتەرمان، سافا بۇحاري جانە كريستەن مايكلزانالار ەسىمدى انالار قىز بالالارعا «Hello Hijab» كيىم ۇلگىسىنە ارنالعان جاڭا برەندتى ۇسىندى. ول باربي قۋىرشاعىنا شاق كەلەتىن كيىم ۇلگىسى. ولاردىڭ بۇل قۋىرشاق تۇرىنە سۇرانىس جوعارى ەكەن. «Hello Hijab» پيتسبۋرگتە جاسالعان.

«تۇسكەن تابىستىڭ بارلىعى، ياعني، 100%-ى مۋلتيمادەنيەتتى قورعايتىن ۇيىمنىڭ جۇمىسىنا قولداۋعا جۇمسالادى»،- دەدى قۋىرشاقتى حيدجابپەن ساندەۋشىلەر. سونداي-اق، نيگەريالىق مەديك حانيفا ادامنىڭ Instagram الەۋمەتتىك جەلىسىندەگى پاراقشاسىندا ءجيى جاريالاناتىن حيدجاب كيگىزىلگەن قۋىرشاعى - Hijarbie جوباسى دا عالامتور پايدالانۋشىلار تاراپىنان قولداۋ تاۋىپ كەلەدى. 

دايىنداعان: اسەل وتەشوۆا