سونىمەن قاتار اسكەري قىزمەتشىلەردى دە تىزىمنەن الىپ تاستاۋ ماسەلەسى كوتەرىلۋدە. ولار جەكە كەزەككە تۇرعىزىلادى جانە ولار ءۇشىن نەسيەلەۋدىڭ جەڭىلدىكتى شارتتارى قاراستىرىلاتىن بولادى، دەپ حابارلايدى Elorda.info.
مەملەكەتتىك قور باسپاناسى كەزەگىندە تۇرعان رەپاتريانتتاردى كەزەكتەن الىپ تاستاۋ ۇسىنىلۋدا، دەپ حابارلادى قالالىق تۇرعىن ءۇي باسقارماسىنىڭ باسشىسى رۋسلان احمەتوۆ ءماسليحاتتىڭ تۇراقتى كوميسسيالارىنىڭ وتىرىسىندا.
«ءبىز بىرنەشە مارتە ۇسىنىس جاسادىق جانە سول پىكىردە قالامىز، اتالعان كاتەگوريانى كەزەكتەن الىپ تاستاۋ قاجەت. ءبىزدىڭ ۇسىنىسىمىز ءقازىر ۇكىمەتتە قىزۋ تالقىلانىپ جاتىر»، — دەدى ر.احمەتوۆ.
ونىڭ ايتۋىنشا، مۇلىكتى مەنشىكتەن شىعارعاننان كەيىنگى بەس جىلدىق مەرزىم ماسەلەسىن استانا اكىمى دە قاراپ جاتىر.
«ەگەر ادام مەملەكەتتىك قوردان ءبىر مارتە پاتەر العان بولسا، ونىڭ تاعى ءبىر باسپانا الۋىنا شەكتەۋ قويۋ كەرەك»، — دەپ اتاپ ءوتتى ول.
بەلگىلى بولعانداي، ورالماندار كۆوتا بويىنشا قازاقستان اۋماعىنا وسىنداي قۇقىق بەرەتىن وڭىرلەردىڭ ءبىرى ارقىلى كىرە الادى دا باسپانا ورنىنا اقشالاي وتەماقى الادى، ال مۇنى دەرەكقورعا ەنگىزۋ مۇمكىن ەمەس، كەيىن ەلورداعا كەلىپ باسپانا الۋ كەزەگىنە تۇرا الادى.
كەزەككە تۇرار كەزدە تۇرعىن ءۇي باسقارماسى ءبىرىنشى كەزەكتە ەلورداداعى ءۇش جىلدىق تىركەلۋدى جانە ەلىمىز اۋماعىندا باسپاناسىنىڭ بار-جوعىن تەكسەرەدى.
«ۆەچەرنيايا استانا» گازەتى حابارلاعانداي، ر.احمەتوۆتىڭ ايتۋىنشا، مۇنىمەن بىرگە، باسپانا تىزىمىنەن اسكەري قىزمەتشىلەردى الىپ تاستاۋ ماسەلەسى دە تۇر، ولار بولەك كەزەككە تۇرعىزىلادى جانە ولار ءۇشىن نەسيەلەۋدىڭ جەڭىلدىكتى شارتتارى ويلاستىرىلادى.
وسىلايشا باسقارما ماماندارى كەزەكتە تۇرعان ادامداردىڭ سانىن ەكى ەسە ازايتپاق.
بۇگىنگى كۇنى كوممۋنالدىق تۇرعىن ءۇي قورى باسپاناسىنا ءزارۋ ادامداردىڭ سانى — 45 516.
رەسمي مالىمەت بويىنشا، 25 جىل (1991 جىلدىڭ 1 قاڭتارى مەن 2016 جىلدىڭ قاڭتارى) ىشىندە قازاقستانعا 957 764 قانداسىمىز ورالعان، ەگەر ولاردىڭ بالالارىن، سونىمەن بىرگە مەملەكەتتىڭ باعدارلاماسىنىڭ كومەگىنسىز كەلگەندەردى قوسا ەسەپتەيتىن بولساق – 1 ملن ادامنان اسادى (ەلىمىزدەگى قازاقتاردىڭ 10%ء-ى).
ورالماندار وڭتۇستىك قازاقستان، الماتى، ماڭعىستاۋ وبلىستارىندا، ونىڭ ىشىندە جاڭاوزەن، الماتى، استانا مەن تاراز قالالارىندا كوبىرەك قونىستانعان.
سوڭعى تولقىن ورالماندارىنىڭ باسىم بولىگى جۇمىس وڭاي تابىلاتىن ەلورداعا نەمەسە وبلىس ورتالىقتارىنا قونىستانۋعا ۇمتىلۋدا. 2014 جىلدان بەرى استانا مەن الماتى قونىس اۋدارۋعا بولاتىن قالالاردىڭ تىزىمەنەن الىنىپ تاستالعان.
