اقتوبە وبلىسىندا ەرلى-زايىپتى سۋيسيد جاسادى، - دەپ حابارلايدى Tengrinews.kz.
"2017 جىلجىڭ 15 مامىرىندا "102" تەلەفونىنا اقتوبە قالاسىنىڭ ماڭىنداعى قۇرايلى اۋىلىندا رەترانسلياسيا مۇناراسىنىڭ ۇستىنەن ءبىر ايەل مەن ەر ادامنىڭ سەكىرۋگە دايىن تۇرعانى جايلى انونيم حابار ءتۇستى. وقيعا ورنىنا بارعان جەرگىلىكتى اتقارۋشى جانە قۇقىق قورعاۋ ورگاندارىنىڭ وكىلدەرى ولارمەن كەلىسسوز جۇرگىزدى، ءبىراق بۇعان قاراماستان ەر ادام مەن ايەل مۇنارادان سەكىرىپ كەتىپ، العان دەنە جاراقاتتارىنان وقيعا ورنىندا قازا تاپتى"، - دەپ حابارلادى ءىىد وكىلدەرى.
سويتسەك، بۇعان دەيىن ولارعا قاتىستى سوتالدى تەرگەۋ باستالعان ەكەن. ولارعا ق ر قىلمىستىق كودەكسىنىڭ 140-بابىنىڭ 2-بولىگى بويىنشا ("كامەلەتكە تولماعان ادامدى تاربيەلەۋ ءجونiندەگi مiندەتتەردi اتا-اناسىنىڭ نەمەسە ءوزiنە وسى مiندەتتەر جۇكتەلگەن وزگە ادامنىڭ، سول سياقتى پەداگوگتiڭ نەمەسە وقۋ، تاربيەلەۋ، ەمدەۋ مەكەمەسىنىڭ نەمەسە كامەلەتكە تولماعان ادامدى قاداعالاۋدى جۇزەگە اسىرۋعا مiندەتتi وزگە مەكەمەنiڭ باسقا دا جۇمىسكەرiنiڭ كامەلەتكە تولماعان ادامعا قاتىگەزدىك تانىتۋىمەن ۇلاسقان ورىنداماۋى نەمەسە تيىسىنشە ورىنداماۋى") كۇدىك كەلگەن.
ءىس ماتەريالدارىنا قاراعاندا، 2017 جىلدىڭ 13 مامىرىندا قۇرايلى اۋىلدىق وكرۋگىنىڭ تەرريتورياسىندا تەكسەرىس كەزىندە پوليسيا ينسپەكتورىنا اۋىلداعى كوشەلەردىڭ ءبىرىنىڭ تۇرعىندارى وسى ماڭدا تۇراتىن ۇيلەردىڭ بىرىنەن 7 جاسار قىزدىڭ جوعالىپ كەتكەنىن حابارلاعان. ايتۋلارىنشا، قىزدى ولار ءۇش كۇندەي ۋاقىت كورمەگەن.
قىزدىڭ تۇراتىن ۇيىنە بارعان ينسپەكتورعا اكەسى مەن وگەي شەشەسى ونىڭ تۋىستاردىڭ ۇيىندە جۇرگەنىن ايتقان. الايدا پوليسيا قىزمەتكەرلەرى كورشى بولمەگە كىرىپ، كوزى ءىسىپ، جىلاپ جاتقان قىزدىڭ جاتقانىن بايقاعان. قىز وبلىستىق بالالار اۋرۋحاناسىنا "باسسۇيەك ميدىڭ جابىق جاراقاتى. ميدىڭ شايقالۋى. دەنەدەگى كوپتەگەن ىسىك" دياگنوزىمەن جاتقىزىلعان.
اقتوبە وبلىستىق ءىىد وكىلدەرى سۋيسيد دەرەگى بويىنشا ق ر قىلمىستىق كودەكسىنىڭ 105-بابىنىڭ 1-بولىگى بويىنشا ("ءوزiءن-وزi ءولتiرۋگە دەيiن جەتكiزۋ") سوتقا دەيىنگى تەرگەۋ جۇرگىزىپ جاتىر، ساراپتامالار تاعايىندالعان. قازىرگى ۋاقىتتا وقيعانىڭ ءمان-جايى انىقتالىپ جاتىر. پوليسەيلەر تەرگەۋدىڭ ناتيجەسىن الداعى ۋاقىتتاردا حابارلاۋعا ۋادە بەردى.
