جول اپاتىندا كوز جۇمعان جۇكتى ايەلدى جەرلەۋ كەزىندە ءسابيدىڭ جىلاعان داۋىسى ەستىلگەن دەپ حابارلايدى قامشى اقپاراتتىق اگەنتتىگى vladtime.ru-عا سىلتەمە جاساپ.

قىز تورونتو قالاسىندا دۇنيەگە كەلگەن. ونىڭ اناسى اۋرۋحاناعا بارا جاتقاندا جول اپاتى بولىپ،  كوز جۇمدى. ول ۋاقىتتا ايەل جۇكتىلىكتىڭ جەتىنشى ايىندا ەدى.

وقيعا بولعان جەرگە كەلگەن جەدەل جاردەم قايتىس بولعان ايەلگە كومەكتەسكىسى كەلگەن. الايدا انا مەن ءسابي ءولدى دەپ شەشكەن. ودان كەيىن ايەلدى ءمايىتحاناعا اكەتتى. وندا ءمايىت 17 ساعات جاتقان.

تابىتتان شارانانىڭ جىلاعان داۋىسى ەستىلگەننەن كەيىن، ادامدار ونى دەرەۋ اۋرۋحاناعا جەتكىزگەن. ءسابيدىڭ جاعدايى اۋىر بولدى. ونى ارنايى ينكۋباتورعا ورنالاستىردى. وندا ءسابي 4 اي جاتتى. شارانا امان قالدى.

دارىگەرلەر مۇنى ناعىز عاجايىپقا بالايدى. تاجىريبەلەرىندە بۇرىن-سوڭدى مۇنداي بولماعانىن ايتادى. دارىگەرلەر ءسابيدىڭ قايتىس بولعان اناسىنىڭ دەنەسىندە قالاي ءتىرى قالعانىن زەرتتەپ جاتىر.  

قايتىس بولعان انا مەن ونىڭ ءتىرى قالعان ءسابيىنىڭ ەسىمى قۇپيادا ساقتالدى.

شولۋشى: اسەم المۇحانبەت