بۇگىنگى تاڭدا قازاقستاندا 27 ملن.  مال باسى تىركەلگەن، ولاردىڭ ىشىندە 6،5 ملن. باس ءىقم، 18،1 ملن. باس ۇساق مال،  2،2 ملن. باس جىلقى، 177،6 مىڭ باس تۇيە جانە 36،7 ملن. باس قۇس بار دەپ جازادى قامشى اقپاراتتىق اگەنتتىگى.

رەسپۋبليكاداعى جالپى ەپيزوتيالىق جاعداي: جانۋارلاردىڭ اسا ءقاۋىپتى اۋرۋلارىنىڭ 23 وشاعى  تىركەلدى. سونىمەن قاتار، ۆيرۋستىق ديارەيا جانە ەپيزوتيالىق ليمفانگيت اۋرۋلارى بويىنشا ەپيزووتيالىق جاعداي ءبىرقالىپتى.

ايتا كەتۋ كەرەك، اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتى مەن جەرگىلىكتى اتقارۋشى ورگانداردىڭ ۆەتەريناريالىق قىزمەتى اراسىندا قادامدىق ءىس شارالار جوسپارى بەكىتىلگەن بولاتىن. بۇنداي اكىمدىكتەرمەن بىرىگىپ ىستەلگەن ءىس شارالار جانۋارلار اۋرۋلارىنىڭ  ديناميكاسىنىڭ تومەندەۋىنە وڭ اسەرىن تيگىزەدى.

2017 جىلدىڭ ۆەتەريناريالىق-پروفيلاكتيكالىق ءىس شارالارىنا سايكەس 17 اسا ءقاۋىپتى اۋرۋلارعا قارسى 149 ملن. ەكپە جۇمىستارىن ەگۋ جوسپارلانعان. سونىمەن قاتار، جانۋارلاردىڭ ءقاۋىپتى اۋرۋلارىنا سايكەس 70 ملن. دياگنوستيكالىق تەكسەرۋ جوسپارلاندى.

بىلتىر اتىراۋ وبلىسىندا تىركەلگەن نودۋليارلى دەرماتيتكە قارسى بارلىق ءىس-شارالار جاسالىندى، دەرتكە شالىنعان 1150 ءىرى قارا مال باسىنىڭ قۇنى تولىقتاي وتەلىندى. اتىراۋ وبلىسىنان بولەك  اقتوبە جانە باتىس قازاقستان وبلىستارىنىڭ جانۋارلارىنا دا نودۋليارلى دەرماتيتكە قارسى الدىن الا ەكپە ەگۋ جۇمىستارى جۇرگىزىلۋدە.

ءسىبىر جاراسى  كومىندىسىنىڭ ورىندارىن قۇرۋ جانە ورنىقتىرۋ ماسەلەسى قارالدى. 2016 جىلى  رەسپۋبليكا بويىنشا جانۋارلار اراسىندا ءسىبىر جاراسىنىڭ 5 وشاعى تىركەلدى. وسىعان بايلانىستى ءسىبىر جاراسىنىڭ كومىندىلەرىن قۇرۋ بويىنشا كوپتەگەن ءىس-شارالار جۇرگىزىلدى. بۇگىنگى تاڭدا 2261 كومىندى انىقتالعان، ولاردىڭ 50ء-ى ەپيدەميولوگيالىق وشاق (ادام اۋىرعان) جانە 20 ورنى شەكارالاردىڭ دەماركاسيا اۋماعىندا. قورشاۋعا جاتقىزىلاتىن جانە ايىرماشىلىق بەلگىلەرى بولاتىن  2191 كومىندىنىڭ 2105ء-ى (96%) قورشاۋعا الىنعان، 2183 (99،6%) كومىندىنىڭ ايىرماشىلىق بەلگىلەرى بار. مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسىنە 2104 كومىندى ەنگىزىلدى. 

قازاقستان رەسپۋبليكاسىنىڭ 9 وبلىسىندا (اقمولا، اقتوبە، اتىراۋ، پاۆلودار، قاراعاندى، سولتۇستىك قازاقستان، باتىس قازاقستان، قوستاناي، ماڭعىستاۋ) ۆاكسيناسيالانۋسىز اۋسىل اۋرۋىنان تازا ايماق ستاتۋسى الىندى. بۇل ءوز كەزەگىندە وتاندىق مال شارۋاشىلىعى ونىمدەرىنىڭ ەكسپورتقا شىعۋ مۇمكىندىگىن ارتتىرادى. قالعان 5 وبلىس بويىنشا اۋسىل  ىندەتىنە ۆاكسيناسيالاناتىن تازا ايماق ستاتۋسىن الۋ ءۇشىن جۇمىستار قارقىندى تۇردە جۇرگىزىلۋدە.

ەكسپورتتىق ساياسات وتاندىق قۇجاتتار مەن ازىق-تۇلىك ونىمدەرىنىڭ قاۋىپسىزدىگى نورماتيۆتەرىنىڭ قازاقستاندىق ونىمدەردى بەلسەندى يمپورتتايتىن قحر، يران، ساۋد ارابياسى، ءباا، يزرايل، كۋۆەيت سىندى ەلدەردىڭ قۇجاتتارىمەن سايكەستىگىن قاداعالايدى. وسى ساياساتتى جۇزەگە اسىرۋعا باعىتتالعان جول كارتاسىن ازىرلەۋ جۇمىستارى اياقتالىپ كەلەدى. بۇل كارتا ءوز كەزەگىندە وتاندىق مال شارۋاشىلىعى ونىمدەرىن حالىقارالىق نارىققا شىعارۋدى قامتاماسىز ەتەدى.

قىتايمەن قازاقستاننىڭ 9 وبلىسىنان مال شارۋاشىلىعى ونىمدەرىن اكەلۋگە قويىلعان تىيىم جويىلدى، ۆەتەريناريالىق قىزمەت جانە قوي، ارا شارۋاشىلىعى ونىمدەرىن ءوندىرۋ مەن قايتا وڭدەۋ كاسىپورىندارىنا ينسپەكسيا جۇيەسىنىڭ ءاۋديتى جۇرگىزىلدى.

قازاقستاندىق مۇزداتىلعان جانە سالقىنداتىلعان قوي ەتىن جانە قويدى يرانعا ەكسپورتتاۋعا ۆەتەريناريالىق تالاپتاردىڭ كەلىسىم پروسەسسىنىڭ سونعى كەزەڭى اياقتالۋدا.

اسحانالىق تاۋىق جۇمىرتقاسىن، اسىل تۇقىمدى جانە قولدانىستاعى ءىقم جانە ۇم ەكسپورتتاۋعا باا-مەن ۆەتەريناريالىق سەرتيفيكات كەلىسىلدى  

اوك-تى 2017-2021 جىلدارعا دامىتۋعا ارنالعان مەملەكەتتىك باعدارلامانىڭ اياسىندا جاو قۇزىرەتىنە جانۋارلاردىڭ بىردەيلەندىرۋ قۇرالدارىن ساتىپ الۋ فۋنكسيالارىن بەرۋ، ۆەتەريناريالىق ۇيىمدارعا بەكىتىلگەن ۆەتەريناريالىق تالاپتاردى اكىمدىكپەن قۇرۋ جانە   اكىمدىكتەردىڭ ۆەتبولىمشەلەرىنە قىزمەتتىك تيىمدىلىگىن باعالاۋ جۇيەسىن ەنگىزۋ جانە ۆەتەرينارلىق قىزمەتىنە اۋىل شارۋاشىلىعى تاۋار وندىرۋشىلەرىن بەكىتۋ جوسپارلانۋدا.