يريانيتا روحاس ەسىمدى قىز پەرۋدىڭ كىشكەنتاي تامسياكۋ قالشىعىندا تۇرعان. ول دجۋنگليدىڭ ورتاسىندا ورنالاسقان. قىز 22-گە تولعاندا ءجيى-جيى ءىش اۋرۋى مازالاي باستادى. ساپالى مەديسينالىق كومەك كورسەتىلمەگەندىكتەن قىز اۋرۋىنا مويىنسۇندى. جەرگىلىكتى دارىگەرلەر  ەشقانداي كومەك كورسەتە المادى. ۋاقىت وتە كەلە قىزدىڭ جاعدايى ناشارلاي باستادى.

يريانيتا روحاستىڭ ءىشى وسكەنى سونشالىق، جۇرە المايتىن دارەجەگە جەتتى. ونىڭ جاعدايىنان حابارى جوقتار يريانيتانى جۇكتى دەپ ويلاعان ەدى. قىزدىڭ باقىتىنا وراي، تامسياكۋ قالشىعىندا جاڭادان اشىلعان اۋرۋحانانىڭ اشىلۋ سالتاناتىنا دەنساۋلىق ساقتاۋ ءمينيسترى كەلەدى.

يريانيتانىڭ جاعدايىن بىلگەن مينيستر قىزدى پەرۋ استاناسى ليما اۋرۋحاناسىنا جەتكىزۋگە تاپسىرما بەردى. بىلىكتى دارىگەرلەر ونىڭ ىشىندە ىسىك بارىن انىقتايدى. ونىڭ سالماعى 16 كەلىگە جەتكەن ەكەن. حيرۋرگتار ىسىكتى الىپ تاستايدى. اعزاسى قالپىنا كەلگەننەن كەيىن ۇيىنە ورالدى.

اۋرۋىنان ەشقاشان ايىقپايمىن دەپ ويلاعان قىز جاڭا ءومىر باستاعىسى كەلەتىنىن ايتادى.

دايىنداعان: اسەم المۇحانبەت