رابيا يبن قاعىب ءال-اسلامي (ر.ا.) اڭگىمەلەيدى دەپ جازادى قامشى اقپاراتتىق اگەنتتىگى muslim.kz-كە  سىلتەمە جاساي وتىرىپ.

ارداقتى پايعامبارىمىزعا (س.ع.س.) دارەت سۋىن جەتكىزىپ بەرىپ، باسقا دا قولعابىستار جاسايتىنمىن. ءبىر كۇنى: «تىلەگىڭ بولسا، ماعان ايت»، – دەدى. «ءسىزدىڭ جاقىن دوسىڭىز بولعىم كەلەدى»، – دەدىم. «وسىنى عانا سۇرايسىڭ با، باسقا ەشقانداي تىلەك ايتپايسىڭ با؟» – دەدى. مەن تەك وسىنى عانا قالايتىنىمدى ايتتىم. سوندا اللا ەلشىسى: «وندا ءوزىڭ ءۇشىن كوپ ساجدە جاساپ، ماعان كومەكتەس»، – دەدى.

بۇل وقيعادان مىنانى تۇسىنۋگە بولادى: باسقادان سۇراعان ىستە ءوزىڭ دە قولىڭنان كەلگەنشە ۇلەس قوس، سوندا سۇراعان نارسەنىڭ شىنايى باعاسىن بىلەسىڭ. پايعامبارعا (س.ع.س.) ەكى دۇنيەدە دوس بولعىسى كەلگەن ادام كوپ ساجدە جاساۋدى ادەت ەتىپ، ساجدەدە جاراتۋشى يەگە كوپ دۇعا ەتۋى ءتيىس. زور ماقساتتاردى زور ماشاقاتتارمەن عانا باعىندىرۋعا بولاتىنىن ەسكەرگەن ءجون.

شولۋشى: اسەل وتەشوۆا