ق ر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن «ميرى موريسا سيماشكو» دەرەكتى ءفيلمى ۇستىمىزدەگى جىلدىڭ 15 مەن 17 مامىر ارالىعىندا وتكەن پولشا حالىقارالىق فەستيۆالىندە «ەڭ ۇزدىك دەرەكتى فيلم» جۇلدەسىنە يە بولدى.

قازاقستاندىق رەجيسسەر الەكساندر گولوۆينسكيي تۇسىرگەن دەرەكتى فيلم ۇلى وتان سوعىسىنىڭ ارداگەرى، قازاقستاننىڭ حالىق جازۋشىسى، قازاقستان پرەزيدەنتى بەيبىتشىلىك پەن رۋحاني تاتۋلىق سىيلىعىنىڭ لاۋرەاتى (ءى.ەسەنبەرليننىڭ «كوشپەندىلەر» تريلوگياسىن ورىس تىلىنە اۋدارعانى ءۇشىن)

موريس سيماشكونىڭ ءومىرى مەن شىعارماشىلىعىنا ارنالعان.

وسىعان دەيىن اتالمىش فيلم ماسكەۋدە وتكەن 19-شى DetectiveFest حالىقارالىق شىتىرمان وقيعالى فيلمدەر فەستيۆالىندە ارنايى جۇلدەگە،  سونداي-اق «ۆمەستە» XVII حالىقارالىق تەلەكينوفورۋمدا «ليتەراتۋرنايا گازەتا» باسىلىمىنىڭ اتىنان «ورتالىق ازياداعى جاڭا تاريحي رومان مەكتەبىنىڭ نەگىزىن سالۋشىلاردىڭ ءبىرى جانە مايدانگەر ءومىرىنىڭ بەيمالىم پاراقتارىن اشقانى جانە شەبەرلىگى ءۇشىن» ارنايى جۇلدەمەن ماراپاتتالعان. 
 

الەمنىڭ تاۋەلسىز كينەماتوگرافيستەرىن قولداۋعا باعىتتالعان پولشانىڭ حالىقارالىق كينوفەستيۆالى  ونلاين تۇردە وتەدى. فەستيۆال شەڭبەرىندە كوركەم، دەرەكتى، انيماسيالىق جانە قىسقامەتراجدى فيلمدەر دە ب ا ق سىنايدى.

سونىمەن قاتار، ق ر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق  تۇسىرگەن «سەنىم جولىندا» اتتى دەرەكتى فيلم رەسەيدىڭ سيەۆاستوپول قالاسىندا وتكەن XIII حالىقارالىق  «پوبەديلي ۆمەستە» اتتى دەرەكتى فيلمدەر جانە تەلەباعدارلامالار فەستيۆالىندە دجەمما فيرسوۆا اتىنداعى «ۇزدىك الەۋمەتتىك-فيلوسوفيالىق تەليەۆيزيالىق جۇمىس» جۇلدەسىنە قول جەتكىزدى. 
 

رەجيسسەر ءاسيا بايعوجينا تۇسىرگەن «سەنىم جولىندا» ءفيلمى قوعامىمىزداعى وزەكتى ماسەلەلەردىڭ ءبىرى – ءدىن جولىنداعى اداسۋشىلىق تۋرالى باياندايدى.

«پوبەديلي ۆمەستە» فەستيۆالىنىڭ باعدارلاماسىنا قاتىسۋعا 24 مەملەكەتتەن (رەسەي، اۆستريا، ارمەنيا، بەلارۋس، بەلگيا، بولگاريا، ۇلىبريتانيا، گرۋزيا، گەرمانيا،  يرلانديا، قازاقستان، جۇڭگو،  پولشا، ۋكراينا، چەحيا، فرانسيا، ەستونيا جانە ت.ب.) بار جوعى 250 فيلم ءۇمىت بىلدىرگەن ەكەن. ىرىكتەۋ كوميسسياسى 16 ەلدەن 65 ءفيلمدى تاڭداپ العان ەكەن.

ايتا كەتسەك، بەلگىلى كينورەجيسسەر، سەناريست، «قازاقفيلم» كينوستۋدياسىنىڭ پرەزيدەنتى باقىت قايىربەكوۆ دەرەكتى فيلمدەر باعدارلاماسىنىڭ حالىقارالىق قازىلار القاسىنىڭ قۇرامىندا بولدى. ەستەرىڭىزگە سالا كەتسەك، رەجيسسەردىڭ «316-يا سترەلكوۆايا» دەرەكتى ءفيلمى 2007 جىلى وسى فەستيۆالدە باس جۇلدەنى جەڭىپ العان بولاتىن. باقىت عافۋۇلىمەن بىرگە فەستيۆالدىڭ ۇزدىگىن انىقتاعان قازىلار القاسى: اكتريسا ناتاليا گاگينا (رەسەي)، سەناريست جانە سىنشى تاتيانا يەنسەن (رەسەي)،  پروديۋسەر ناتاليا يۆانوۆا (رەسەي)، رەجيسسەر جانە پروديۋسەر ۋ سزيان (جۇڭگو).

«موريس سيماشكونىڭ الەمى»

رەجيسسەرى:  الەكساندر گولوۆينسكيي

سەناريي اۆتورى: سەرگەي رۋساكوۆ

وپەراتورى: سەرگەي كوسمانيەۆ

كومپوزيتورلارى: فارحات يبراگيموۆ جانە ءادىل بايىسبايەۆ.

رەداكتورى: ەۆگەنيا گولوۆينسكايا 

«سەنىم جولىندا»

رەجيسسەرى: ءاسيا بايعوجينا

سەناريي اۆتورلارى: ءاسيا بايعوجينا، مەرەكە قاسەن

وپەراتورلارى: رەنات قوساي، نۇرسات اكىمحان

ديرەكتورى: نۇرگۇل نۇرجىگىتوۆا

انىقتاما: ش. ايمانوۆ اتىنداعى «قازاقفيلم» اق – كوركەم، دەرەكتى، انيماسيالىق كينو ءوندىرىسى مەن وندىرىستەن كەيىنگى كەزەڭدە تۇرعان ونىمدەرمەن (ونىڭ ىشىندە مونتاجداۋ، دىبىستاۋ، ت.ب.) اينالىساتىن قازاقستانداعى نەگىزگى كينوكومپانيا. ش.ايمانوۆ اتىنداعى «قازاقفيلم» كينوستۋدياسىنىڭ تاريحى 1934 جىلدان باستاۋ الادى، ءدال وسى جىلى الماتى كينوحرونيكا ستۋدياسى قۇرىلدى، ال 1941 جىلى الماتى كوركەم فيلمدەر ستۋدياسى دەپ وزگەرتىلىپ، كينوستۋديانىڭ وندىرىستىك نەگىزى بارىنشا نىعايا ءتۇستى. 1941 جىلى 15 قاراشادا الماتى كينوستۋدياسى قازاقستانعا ەۆاكۋاسيالانعان «موسفيلم جانە «لەنفيلم» كينوستۋديالارىمەن بىرلەسىپ،  بىرلەسكەن ورتالىق كينوستۋديا بولىپ قايتا قۇرىلىپ، الماتىدا 1944 جىلعى دەيىن جۇمىس ىستەدى. سوعىس جىلدارى كەزەڭىندە وتاندىق كوركەم فيلمدەردىڭ 80 پايىزىن اتالمىش ورتالىق كينوستۋديا شىعاردى. 1960 جىلى «قازاقفيلم» اتاۋىنا يە بولدى. 1984 جىلى كينوستۋدياعا ۇلتتىق كينەماتوگرفيانىڭ كورنەكتى قايراتكەرى شاكەن ايمانوۆتىڭ ەسىمى بەرىلدى.