فيليپپيندىك دجونني لامەون بەتىندەگى ىسىكپەن دۇنيەگە كەلگەن. ول باسسۇيەك-مي جارىعى بولىپ شىقتى. ونى ەنسەفالوسەل دەپ تە اتايدى. اتالمىش اۋرۋ تۋا بىتكەن بولسا ميدىڭ قۇرىلىمى باس سۇيەگىنىڭ شەگىنەن تىس شىعادى.

ادەتتە ەنسەفالوسەل اۋرۋىنا شالدىققاندارعا تۋا سالىسىمەن وپەراسيا جاسالىنادى. الايدا دجەمميدىڭ وتباسى كەدەي بولعاندىقتان قىمبات وپەراسيانى قالتالارى كوتەرمەدى. سونىڭ ناتيجەسىندە بالا مۇرنىنداعى ىسىكپەن 7 جىل بويى ءومىر ءسۇرىپ كەلدى.

تاماق ىشكەندا بالا ىسىكتى قولمەن ۇستاپ تۇرۋىنا تۋرا كەلدى. ۋاقىت وتە كەلە دجونني مۇلدە كورمەيتىن دارەجەگە جەتتى. ءدجوننيدىڭ باسىنداعى جاعداي تۋرالى قايىرىمدىلىق ۇيىمى ەستىپ، قول ۇشىن بەرۋگە بەكىندى.

قايىرىمدىلىق ۇيىمى بالانى اۋسترالياعا ۇشىپ كەلۋىن قامتاماسىز ەتتى. تاجىريبەلى حيرۋرگتار بالاعا وتا جاسادى. سەگىز ساعاتقا سوزىلعان وپەراسيادان كەيىن بالانىڭ بەت الپەتى قاتتى وزگەرگەن.

ءدجوننيدىڭ قابىرعاسىنىڭ سۇيەك فراگمەنتىنىڭ كومەگىمەن مۇرنىن قالپىنا كەلتىردى. دارىگەرلەر تەك بالانىڭ ءبىر كوزىنىڭ كورۋ قابىلەتىن قايتارا المادى. ىسىك ۇنەمى كوزگە ءتۇسىپ تۇرعاندىقتان ونى قايتا قالپىنا كەلتىرۋ مۇمكىن ەمەس بولىپ شىقتى.

ءقازىر دجونني ءوزىن باقىتتى سەزىنەتىنىن ايتادى. كوپ جىلدار بويى كەدەرگى كەلتىرگەن ىسىكتەن قۇتىلعاننان كەيىن قۋانىشتان سەكىرىپ، ويناعىسى كەلەتىنىن ايتادى.

بالانىڭ ات-اناسى دا باقىتتان كوزدەرىنە جاس العانىن ايتادى. جەتى جىلدا دجوننيگە كومەك قولىن سوزاتىن ادامدار تابىلادى دەگەن ءۇمىت ءسونىپ بارا جاتقانىن ايتادى. ال مۇنداي وپەراسيا تۋرالى ارمانداماعانىن جەتكىزەدى اتا-اناسى. 

دايىندعان: سابينا رامازان