استانا قالاسىنىڭ جەكەلەگەن ساناتتاعى تۇرعىندارى ءۇشىن جوو-ندا گرانتپەن وقۋعا مۇمكىندىك بار. جەتىم بالالار، بالالار ءۇيىنىڭ تۇلەكتەرى، جاستايىنان مۇگەدەك، كوپ بالالى وتباسىنىڭ بالالارى مەن اتا-انا قامقورلىعىنسىز قالعاندار وقۋدىڭ اقشاسىن تولەۋگە قاتىستى الەۋمەتتىك كومەككە يە بولا الادى دەپ حابارلايدى قامشى اقپاراتتىق اگەنتتىگى استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ.  

تولەمدەر جوعارى وقۋ ورىندارىنىڭ بەكىتكەن باعاسىنا ساي جۇرگىزىلەدى جانە قالا بيۋدجەتىنىڭ وسى ماقساتقا دەپ ارناعان جىلدىق بيۋدجەت كولەمىنە قاراي بەرىلەدى. ۇبت قورىتىندىسى بويىنشا كىمنىڭ كورسەتكىشى جوعارى سول ۇمىتكەردىڭ الەۋمەتتىك كومەكتى يەلەنۋگە مۇمكىندىگى مول. ەڭ تومەنگى ءتيىستى باللدى جيناي الماعان تۇلەككە تولەم مۇلدەم قاراستىرىلمايدى. ۇمىتكەرلەر 2017 جىلدىڭ 1-تامىزىنا دەيىن استانا قالاسىنىڭ جۇمىسپەن قامتۋ، ەڭبەك جانە الەۋمەتتىك قورعاۋ باسقارماسىنا ءوتىنىش جازۋلارى ءتيىس. وتىنىشپەن بىرگە: جەكە كۋالىكتىڭ كوشىرمەسى؛ مەكەن-جاي انىقتاماسى؛ وتباسى قۇرامى تۋرالى انىقتاما (وتباسى مۇشەلەرى)؛ وتباسى مۇشەلەرىنىڭ تابىسى تۋرالى انىقتاما؛ مۇگەدەكتىگى تۋرالى انىقتاما كوشىرمەسى (جاستايىنان مۇگەدەكتەر ءۇشىن)؛ اتا-اناسىنىڭ قايتىس بولعانى تۋرالى كۋالىكتىڭ كوشىرمەسى (جەتىم بالالار ءۇشىن)؛ كوپ بالالى وتباسىنىڭ مۇشەسى ەكەنىن راستايتىن قۇجاتتىڭ كوشىرمەسى (كوپ بالالى وتباسىنىڭ بالالارى ءۇشىن)؛ تۋۋ تۋرالى كۋالىكتىڭ كوشىرمەسى؛ ۇبت قورىتىندىسى بويىنشا بەرىلەتىن مەملەكەتتىك سەرتيفيكاتتىڭ كوشىرمەسىن تاپسىرۋلارى ءتيىس. بارلىق قۇجاتتاردىڭ ءتۇپنۇسقاسى مەن كوشىرمەسى قابىلدانادى. قۇجاتتاردى تەكسەرىپ بولعان سوڭ ءتۇپنۇسقا يەسىنە كەرى قايتارىلادى.

جوعارى وقۋ ورىندارىنىڭ كۇندىزگى بولىمىندە وقيتىندارعا بەرىلەتىن الەۋمەتتىك كومەك استانا قالاسى ءماسليحاتىنىڭ 2014 ج 27-ماۋسىمداعى № 250/36-V بەكىتىلگەن شەشىمىنە ساي جەكەلەگەن ساناتتاعى كومەككە مۇقتاج ازاماتتارعا الەۋمەتتىك كومەك كورسەتۋ ەرەجەسىنە سايكەس ورتا ەسەپپەن جان باسىنا شاققانداعى تابىس بويىنشا، ەڭ تومەنگى كۇنكورىس دەڭگەيىنەن 3 ەسە مولشەرىنەن اسپايتىن اقشالاي تولەماقى رەتىندە بەرىلەدى.