ميسسۋري شتاتىنىڭ تۇرعىنى ترەس دجونسوننىڭ جاسى 13-تە. ول دۇنيە ەسىگىن اشقاندا دارىگەرلەر ترەس ۇزاق ءومىر سۇرمەيدى دەپ ويلادى. ونىڭ ءالى كۇنگە دەيىن ءومىر ءسۇرىپ جاتقانىن عاجايىپقا بالايدى. ونىڭ اتا-اناسى برەندي مەن دجوشۋا بالاسىنىڭ ءومىرى ءۇشىن كۇرەستى ءبىر ساتكە دە توقتاتپاعان.

ترەس دجونسوندا باس سۇيەگى قايتالانۋى بار.ترەس بۇل  دياگنوزبەن ءومىر ءسۇرىپ جاتقان جالعىز ادام. اتالمىش اۋرۋعا شالدىققان 36 بالا دۇنيە ەسىگىن اشا سالىسىمەن شەتىنەپ كەتكەن.  

«ترەس وسىدان كەيىن وڭالمايتىن شىعار دەپ كۇدەر ۇزگەن ساتتەرىمىز وتە كوپ بولدى. ءتىپتى ساناقتان جاڭىلامىن. جاقىندا 13-كە تولدى.  الدا ءبىزدى كۇندەلىكتى كۇرەس كۇتىپ ءتۇر» دەيدى ترەستىڭ اناسى برەندي.

SHH اقۋىزى باس سۇيەگىنىڭ قايتالانۋىنا اكەلىپ سوعادى. ول باس سۇيەگى مەن بەت الپەتىنىڭ قالىبىن وزگەرتەدى. ترەس بەتىنىڭ ورتاسىنداعى جارىقپەن، نورمادان تىس باس پىشىنىمەن جانە كوگنيتيۆتىك ىركىلىسپەن دۇنيەگە كەلگەن. ءجيى ۇستاماسى ۇستاپ قالادى. مەديسينالىق  ەسىرتكىنى پايدالانعاننان كەيىن ۇستاما كۇنىنە 400-دەن 40-قا قىسقاردى. ترەسكە بەتىنىڭ جارىلۋىن بولدىرماۋى ءۇشىن بىرنەشە وپەراسيا جاسالعان.

ترەستىڭ اتا-اناسى 13 جىلدا بالاسىنا قاتىستى جان شوشىرلىق ۇسىنىستاردى ەستىدى.  ونىڭ ىشىندە ترەستى ءولتىرۋ دە بار. الايدا برەندي مەن دجوشۋا بالاسىن ماقتان تۇتاتىنىن جانە ونىڭ سىرت كەلبەتى قانداي ەكەنى قىزىقتىرمايتىنىن ايتادى. اۋرۋىنا قاراماستان بالا وتىرا الادى. دەسەك تە، باسىنداعى ىسىكتىڭ كەسىرىنەن ويلاۋ دەڭگەيى ءوز جاسىنا ساي ەمەس.

شولۋشى: سابينا رامازان