شوتلانديادا وقۋشىلاردى جولعا شىعىپ ءولى كۇيىندە جاتۋعا ماجبۇرلەگەن، دەپ جازادى قامشى اقپاراتتىق اگەنتتىگى. وسىنداي ەرەكشە ادىسپەن مەكتەپ باسشىلىعى كولىك جۇرگىزۋشىلەرىنە جول ەرەجەسىن ساقتاۋدى، بالا ومىرىنە ءقاۋىپ توندىرەتىن ارەكەتتەردەن اۋلاق بولۋدى ۇيرەتپەك. الايدا مۇعالىمدەردىڭ بۇل قىلىعىن تۇرعىنداردىڭ كوبى قولداي قويمادى.
شەتەلدىك باق-تىڭ مالىمەتىنشە، شوتلانديانىڭ اللوا قالاسىندا ونداعان وقۋشىسى كولىك جۇرەتىن جولدىڭ بويىنا ءولى ادامداي جاتىپ العان. سوڭعى كەزدەرى قالادا كولىك جۇرگىزۋشىلەردىڭ قۇربانىنا اينالعان وقۋشىلار مەن ستۋدەنتتەردىڭ سانى جيىلەپ كەتكەن. وسىنى ەسكەرگەن مەكتەپ باسشىلىعى لاجسىزدان وسىنداي قادامعا بارعان كورىنەدى.
اكسيا ۇيىمداستىرۋشىلارىنىڭ بولجامىنشا، جول بويىندا جاتقان بالالاردىڭ ءولى دەنەسى كولىك جۇرگىزۋشىلەرىن ويلاندىرۋى ءتيىس. الايدا اتا-انالار بالالارىنىڭ اتالمىش اكسياعا قاتىسۋىنا تۇبەگەيلى قارسىلىق تانىتىپ وتىر. سونىمەن قوسا قالاداعى جازاتايىم وقيعالاردىڭ الدىن الۋ قاۋىمداستىعى دا اكسيانىڭ وتۋىنە قارسى.
