بۇل وقيعا بريتانيادا بولعان. 26 جاستاعى ەريكا ەرنىمەن تۇيمەنى تىستەپ تۇرىپ،  كەزەكتى كويلەگىن تىگىپ جاتقان. سويتە تۇرا، اناسىنىڭ قويعان سۇراقتارىنا جاۋاپ بەرىپ، ءان دە ايتىپ ۇلگەردى. كەنەتتەن ول تۇيمەنى جۇتىپ قويىپ، قاتتى جوتەلە باستادى.

ۇيدەگىلەر قالاي كومەكتەسەرىن بىلمەي دال بولدى. جەدەل جاردەمگە دە قوڭىراۋ شالدى. الايدا ولار كەلگەندە ەريكانىڭ جۇرەگى توقتاپ قالعان ەدى. تۇيمە تۇتىكتەرگە تۇرىپ قالىپ، تىنىس الۋىنا كەدەرگى كەلتىرگەن. قىز كوگەرىپ كەتتى. دارىگەرلەر تۇنشىعۋ ولىمگە سەبەپكەر بولعان دەگەندى ايتتى.

قىزىنان ايىرىلعان وتباسى قايعىدان قان جۇتتى. ءبىر كۇنەننەن كەيىن قىزدى جەر قوينىنا تاپسىردى. ەريكاعا ادەمى كيىم كيگىزىپ، ساۋساعىنا ءوزىنىڭ سۇيىكتى ۇلكەن التىن ساقيناسىن تاقتى.

جەرلەۋ ءراسىمى وتكەنىنە بىرنەشە ساعات بولعاندا ەسىكتى بىرەۋ قاعادى. ەسىكتى اشقاندا اناسىنىڭ قارسى الدىندا «قايتىس بولىپ كەتكەن قىز» تۇرادى. ەيركانى كورگەن اناسى تالىپ قالادى. قىز اياعىن ارەڭ باسىپ تۇرعان. ءۇستى لايعا بىلعانعان.

ەريكانىڭ جاقىندارى وعان تاماق بەرىپ، جۋىندىرىپ، دەمالۋعا مۇرشا بەردى. بىرنەشە ساعاتتان كەيىن قىز باستان وتكەرگەن وقيعاسىن ايتىپ بەردى.

ول جۇتىپ قويعان تۇيمە تۇتىكشەنى تولىقتاي جاپپاعان. اۋا وكپەگە ءتۇسىپ وتىرعان. بۇل ميدىڭ ولمەۋىنە كومەگىن تيگىزگەن. الايدا جۇرەك قاعىسى قاتتى باياۋلاعان. سونىڭ سالدارىنان ول ءوز دەنەسىن باسقارا المايتىن جاعدايعا جەتكەن.

ول بارلىق داۋىستاردى ەستىگەن،  ءبىراق ەشتەڭە ىستەي الماعان. ۇرىلار ونىڭ التىن ساقيناسىن ۇرلاماق بولماعاندا ول راسىمەن دە كوز جۇمۋشى ەدى. قاراڭعى تۇسكەندە ولار ءقابىردى قايتا قازىپ، التىن ساقينانى شەشكەن، قىزدىڭ ۇستىندەگى كويلەكتى دە ۇرلاماق بولعان. كويلەكتىڭ تۇيمەسىن شەشۋ ءۇشىن ەريكانى ءبىر جاق بەتىنە قاراي اۋدارعاندا تۇرىپ قالعان تۇيمە شىققان. قىز تولىق تىنىس الدى. مۇنى كورگەن ەكى ۇرى سول جەردە جۇرەك ۇستاماسىنان كوز جۇمدى. قالعان ەكەۋى ۇستالدى.

شولۋشى: سابينا رامازان