ينەس راميرەس پەرەس مەكسيكانىڭ وڭتۇستىگىندە تۇرادى. ينەستىڭ ءۇيى تاۋدىڭ ورتاسىندا ورنالاسقان. جۇكتى ايەل تولعاعى باستالعاندا ۇيدە ءوزى عانا بولعان. اۋىرلىق سەزىمى مەن قاتار ينەستى ۋايىم باستى.ول ءۇش جىل بۇرىن بالاسىنان ايىرىلعان. ينەس وسى بالاسىن دا جوعالتىپ الۋدان قاتتى قورىقتى.

جاقىن ماڭداعى اۋرۋحانا قالادان 80 شاقىرىم جەردە ورنالاسقان ەدى. سوندىقتان، ينەس 12 ساعاتتىق تولعاقتان كەيىن اعاش ورىندىققا وتىرىپ، ءبىر ستاقان اراق ءىشىپ الادى دا ءىشىن 15 سانتيمەترلى پىشاقپەن كەسەدى.

شامنىڭ جارىعىمەن ايەل تەرىسىن، مايىن، بۇلشىق ەتىن كەسەدى. وسىلاي جاتىرعا دەيىن بارىپ شارانانى شىعارىپ الادى. ونىڭ سوزىنشە ول كىندىكتى قايشىمەن كەسكەن. ودان كەيىن تالىپ قالعان.

بۇل وقيعا 2000 جىلدىڭ 5 ناۋرىز بولعان. ءقازىر بالانىڭ جاسى 17-دە. وعان ورلاندا رۋيس دەگەن ەسىم بەرگەن. ونىڭ اناسىن حالىقارالىق دەڭگەيدە عاجايىپقا تەڭەدى. سەبەبى ول وزىنە وپەراسيا جاساۋ ارقىلى بالاسىن العان جالعىز ايەل.

«مەن بۇدان ءارى شىداي المادىم. ەگەر مەنىڭ بالام ءولىپ قالسا، مەن دە ولەمىن دەپ شەشتىم. مەن ونىڭ قالاي ءوسىپ جاتقانىن كورگىم كەلدى. سوڭعى ساتكە دەيىن قۇداي ونى امان الىپ قالادى دەپ ۇمىتتەندىم» دەيدى ينەس.

بولعان وقيعانىڭ كۋاگەرلەرى جوق. الايدا ينەس بوسانعانىنا 12 ساعات وتكەننەن كەيىن ونى تەكسەرگەن اكۋشەرلەر ونىڭ وتىرىك ايتپاعانىنا تولىق سەنىمدى ەكەندەرىن ايتادى.

ونوريو گالۆان جانە دجەسۋس گۋزمان، ينەستى قانداي جاعدايدا اۋرۋحاناعا الىپ كەلگەنىنە قاتتى تاڭقالدى. ول تۋرالى مەديسينالىق فورۋمدا ءبولىستى. بۇل وقيعا حالىقارالىق گينەكولوگيا جانە اكۋشەريا جۋرنالىنا شىققاننان كەيىن ادامدار وعان قىزۋعىشىلىق تانىتا باستادى.

جۋرنالعا ماقالا دايىنداعاندار ينەستى ەڭ العاشقىلاردىڭ ءبىرى بولىپ تەكسەرگەن اكۋشەر لەون كرۋزبەن سۇحباتتاستى.

ونىڭ سوزىنشە، ينەس وزىنە ءبىر ساعات وپەراسيا جاساعان. ايەل ەسىن جيعاننان كەيىن ءىشىن ماتامەن وراعان. 6 جاستاعى بەنيتو ەسىمدى بالاسىن كومەك سۇراۋعا جىبەرگەن. بىرنەشە ساعات وتكەننەن كەيىن كرۋز پەن ونىڭ كومەكشىسى كەلگەن.

فەلدشەر 17 سانتيمەترلى جىرىقتى كادىمگى ينە مەن جىپپەن تىككەن. وسىدان كەيىن انا مەن بالانى جۇقا ساباننان جاسالعان كىلەمشەگە وراپ، اۋرۋحاناعا ەكى ساعات سۇيرەپ اپارعان. 

دايىنداعان: اسەم المۇحانبەت