بالا ءۇشىن اتا-انانىڭ ءرولى وتە زور. كەز كەلگەن جاعدايدا سۇيەنەرى، سەنەرى تەك اتا-اناسى بولماق. سول سەبەپتى دە انا مەن اكەنىڭ بالاعا ايتاتىن سوزدەرى ونىڭ پسيحيكاسىنا تىكەلەي اسەر ەتەدى. بالامەن قالاي سويلەسەتىن بولسا، ولار دا ەرتەڭ ءدال سولاي جاۋاپ بەرەتىن بولاتىن، دەپ جازادى قامشى اقپاراتتىق اگەنتتىگى شەتەلدىك باق-قا سىلتەمە جاساپ.
الەمدەگى پسيحولوگ ماماندار بالالارمەن قارىم-قاتىناس جاساۋدا تومەندەگىدەي سوزدەردى قولدانباۋعا كەڭەس بەرەدى.
«بولدى، جىلاعانىڭدى دوعار!»
بالا ەش سەبەپسىز جىلايتىن بولسا دا، ونى تومەندەتپەۋ قاجەت. كىشكەنتاي بالالار وزدەرىنىڭ سەزىمىن يگەرە المايدى. ونىڭ ورنىنا «جىلاعان دۇرىس، ءبىراق سەنىڭ بۇل ءىسىڭ دۇرىس ەمەستىگىن ءتۇسۋىنىڭ قاجەت» دەپ ايتىڭىز.
«سەن مەنىڭ كوڭىلىمدى قالدىردىڭ!»
اتا-انالار بۇل ءسوزدى ادەتتە بالا ونسىز دا كوڭىل-كۇيى ءتۇسىپ وتىرعان كەزدەردە ءجيى ايتادى. ەگەر بالا ءبىر نارسەنى دۇرىس جاساماسا ونى قايتادان دۇرىس جولعا سالۋعا كومەكتەسىڭىز. «سەنىكى دۇرىس بولعان جوق. مۇنى جان-جاقتى تالقىلاپ كورەيىك، جاراي ما؟» دەپ ايتقانىڭىز ابزال.
«سەنىڭ قولىڭنان بۇل نارسە كەلمەيدى!»
بالاعا ءوزىنىڭ ەشقانداي جەتىستىككە جەتپەي جۇرگەندىگىن ەستۋ قيىن. وعان دۇرىس تالپىنىپ جۇرگەن جوقسىڭ، قولىڭنان كەلمەيدى دەپ ايتۋدىڭ قاجەتى جوق. كەرىسىنشە «سەنىڭ قولىڭنان كەلەدى، تەك قاتتىراق تىرىسىپ كور» دەپ قولداپ جىبەرۋ قاجەت.
«سەن ۇلكەن بالاسىڭ، ۇلكەن قىزسىڭ!»
ەگەر بالا قورقىپ قالعان جاعدايدا وعان بۇل سوزدەردى ايتىپ جۇباتا المايسىز. وعان «قورىققان بۇل قالىپتى جاعداي، ءتىپتى، مەن دە كەيدە قورقامىن، سوندىقتان دا مەن نە ىستەۋ كەرەكتىگىن بىلەمىن» دەپ ايتىڭىز.
«سەنىڭ ەش پايداڭ جوق!»
بۇل سوزدەردى بالاعا مۇلدەم ايتۋعا بولمايدى. سەبەبى ەڭ جاقىن ادامدارىنىڭ بالاعا بەرەر باعاسى ول ءۇشىن وتە ماڭىزدى بولىپ تابىلادى. ونىڭ ورنىنا «ەشكىم دە ءمىنسىز ەمەس، سەنىڭ قولىڭنان بۇدان دا جاقسى ءىس كەلەدى» دەپ ايتقان ءجون.
«سەن جامان بالاسىڭ!»
بالانىڭ ساناسىنا بۇل سوزدەردى ەشقاشان دا سىڭىرمەڭىز. ءوزىنىڭ ءومىر ءسۇرىپ جاتقانى ءۇشىن كىنالى سەزىنەتىن جاعدايدا دۋشار ەتەسىز. ونىڭ ورنىنا جاي عانا» سەنىڭ بۇل ءىسىڭ دۇرىس بولمادى» دەپ ەسكەرتۋ جاساعان دۇرىس بولادى.
«مەن سەن ءۇشىن بارلىعىن جاسايمىن!»
اتا-انا ونسىز دا بار ءومىرىن بالاسىنا ارناپ، سول ءۇشىن بارلىعىن جاسايدى. سول سەبەپتى دە بالاعا مۇنداي سوزدەردى ايتىپ جاتۋدىڭ قاجەتى جوق.
«سەن سەمىزسىڭ!»
بالانىڭ نامىسىنا ەشقاشان دا ءتيىپ، قورلاماڭىز. ەگەر ول تومپاق بولسا، ونى بەتىنە باسىپ ايتقان دۇرىس ەمەس. بالانى ونسىز دا اينالاسىنداعى دوستارى مازاقتايدى. ال ۇيىندە ول ءوزىن ءقاۋىپسىز سەزىنىپ، ودان سايىن پسيحيكالىق تراۆما الۋىنا جول بەرمەۋ كەرەك.
بالانىڭ دۇرىس تاربيەسى ونىڭ دا، ءسىزدىڭ ومىرىڭىزگە كەپىلدىك بولادى. ولاردى جاقسى كورىپ، بارىنشا قولداۋ كورسەتىڭىزدەر.
دايىنداعان: نازەركە لابيحان
