تاجىكستاندا سوڭعى ايدا ساۋدا ماسەلەسىنە بايلانىستى ءتۇرلى دەرەكتەر تارالا باستادى. انىعىراق ايتساق – جاس قىزداردى شەتەلدەرگە قۇلدىققا، سەكسۋالدىق قۇلدىققا ساتۋ. بۇل جونىندە Sputnik تاجىكستان حابارلايلى.

18 مامىر كۇنى قۇقىق قورعاۋ ورگاندارى قىزداردى قۇلدىققا ساتىپ جۇرگەن قىلمىسكەردى ۇستاعان. ول 27 جاستاعى قىزعا تۇركيادا تابىسى مول جۇمىس بارىن ايتىپ، الداپ-سۋلاپ ستامبۋلدىڭ جەزوكشەلەر ۇيىنەن ءبىر-اق شىعارعان.

6 ماۋسىم كۇنى دۋشانبە تۇرعىنى نيسسو ميرزويەۆانى «قۇلدىق ەڭبەككە پايدالانۋ» قك 130 بابى بويىنشا 8 جىلعا باس بوستاندىعىنان ايىرعان. تەرگەۋ جۇمىستارى انىقتاعانداي، ميرزويەۆا بىرنەشە قىزدى الدىپ، دۋباي، تۇركيا سىندى مەملەكەتتەرگە اتتاندىرعان. ول جەرلەردە الگى قىزداردىڭ ءتولقۇجاتتارىن تارتىپ الىپ، تۇنگى كلۋبتارداعى دوكەيلەرگە قىزمەت كورسەتۋ ءۇشىن جۇمىسقا سالىپ قويعان.

2013 جىلى تاجىكستان «قۇلدىق ساۋدا» زاڭناماسىن ەنگىزىپ، وعان قاتىسى ارلارعا 5 جىلدان 12 جىلعا دەيىن تۇرمەگە وتىرعىزۋ كوزدەلگەن.

سولاي بولا تۇرا، 2015 جىلى رەسپۋبليكا توڭىرەگىندە ءىز-تۇسسىز جوعالعان قىزدارعا بايلانىستى 14 قىلمىستىق ءىس قوزعالدى.

ال قىرعىزستانداعى جاعداي تىپتەن ءماز ەمەس. 2016 جىلدىڭ وزىندە قىرعىزستاندا قۇلدىق ساۋدا ءۇشىن 175 ادام شىعارىلعان. تەڭ جارتىسى – جاس قىزدار.

كوبىنە قىزدار مەن ايەلدەردى ساۋداعا سالاتىن ولاردىڭ وتانداستارى. جاناشىرى بولىپ كورىنگەن قىلمىسكەرلەر ولاردىڭ ءتولقۇجاتتارىن تارتىپ الىپ، قارسىلاسقان جاعدايدا سوققىنىڭ استىنا الاتىنىن ايتىپ، ءوز دەگەندەرىنە كوندىرەدى. ءسويتىپ قىزدار مەن ايەلەردى تۇنگى كلسبتارعا، ال ەركەكتەردى قۇرىلىس الاڭدارىنا نەمەسە فەرمەرلىك شارۋاشىلىققا جالعا بەرەدى.

قۇرباندارىن الداۋدىڭ جولى دا وڭاي: قىزعا العاشىندا جۇمىستىڭ ەڭ وڭاي ءارى تابىسى مول تۇرلەرى ۇسىنىلادى. ماسەلەن سۇلۋلىق سالونى نەمەسە ايىنا 1000 دوللار تابۋعا بولاتىن دۋباي مەيرامحانالارى سەكىلدى جۇمىس تۇرلەرىن ەستىگەندە قىز بالا ەرتەگى الەمىنە ەنىپ كەتكەندەي سەزىنەدى-اۋ وزدەرىن.

ال ەركەكتەرگە جاتاتىن ورنى، ءۇش مەزگىل تاماعى تەگىن قۇرىلىس الاڭدارىن ۇسىنىپ، البەتتە ايلىعىنىڭ جوعارىلىعىن ايتىپ الداپ جاتادى.

ەلگە كەلە سالا سەنگىش قىزمەتكەرلەردەن قانداي دا ءبىر قۇجاتتاردى راسىمدەۋدى سىلتاۋراتىپ ءتولقۇجاتتارىن سۇراپ الىپ، قايتارماستاي بولادى.

ال اياق استى تەكسەرىس ءجۇرىپ قالعان ۋاقىتتا الگى قىزمەتكرەلەردى جاي عانا ەلدەرىنە قايتارىپ جىبەرەدى.

«قۇربانداردىڭ باستى قاتەلىگى – تانىستارىنا، ءتىپتى تانىس ەمەس ادامدارىنا قاتتى سەنگىششتىگى. باراتىن جەرىنىڭ قۇجاتتارىن الدىن-الا تەكسەرمەيدى، جۇمىس ىستەيتىن ورتالىقتارىن انىقتامايدى، اقپاراتسىز اتتانا بەرەدى»، دەيدى ادام ساۋداسىنا قارسى كۇرەس جونىندەگى ەقىۇ-نىڭ ارنايى وكىلى البەرتو اندرەاني.

قازاقستانداعى ادام ساۋداسى دا "تاۋسىلمايتىن اڭگىمەگە" اينالدى. قانشاما ۇرىمدەي قىزدارىمىز شەتەلدىك ازاماتتاردىڭ قۇربانى بولدى، بۇل جايىندا مالىمەتتى جۋىق ارادا سايت بەتىنەن كورە الاسىزدار.

شولۋشى: گۇلىم جاقان