اقش پرەزيدەنتى دونالد ترامپ    سولتۇستىك كورەيادا  15 اي اباقتىدا جاتقان ستۋدەنت قايتىس بولعاننان كەيىن سولتۇستىك كورەيانىڭ  «قاتاڭ رەجيمىن» ايىپتادى. بۇل تۋرالى قامشى اقپاراتتىق اگەنتتىگى BBC مالىمەتىنە سۇيەنە وتىرىپ حابارلايدى. 

سولتۇستىك كورەيا 22 جاسار وتتو ءۋورمبيردى وسىدان ەكى اپتا بۇرىن امەريكا قۇراما شتاتتارىنا  قايتاردى. ستۋدەنت وسى ۋاقىتقا دەيىن ءبىر جىل كولەمىندە كومما جاعدايىندا جاتقان بولاتىن.

مەملەكەت باسشىسى دونالد ترامپ 22 جاسار وتتو ءۋورمبيردىڭ باسىنان «اسا اۋىر جاعدايلار»  وتكەنىن ايتا وتىرىپ، دەنساۋلىق جاعدايىنا قاراماستان ونى  تۋعان ەلىنە، اتا-اناسىنىڭ قاسىنا  الدىرتۋ مۇمكىندىگىنە يە بولعاندىعىن مالىمدەدى.

اتا-اناسىنىڭ ايتۋى بويىنشا ستۋدەنت جىگىت «سۇمدىق  ازاپتاۋدىڭ»  سالدارىنان  ابدەن زارەزاپ بولعان. وسىلايشا  ۇگىتتەۋ ءۇنپاراعىن الىپ قاشتى دەگەن ايىپپەن تۇرمەگە توعىتىلعان ستۋدەنت ءوز ەلىنە كەلىپ كوز جۇمدى

سونداي-اق ءۋورمبيردىڭ  قازاسى اقش اكىمشىلىگىنىڭ «مۇنداي قايعىلى جاعدايعا جول بەرمەس ءۇشىن   شەت ەلدەردە  جازاسىن وتەپ جاتقان ەل ازاماتتارىنا  زاڭ ۇستەمدىگىنە سايكەس، سونداي-اق  ادامگەرشىلىك قادىر-قاسيەت تۇرعىسىنان دا  ادىلەتتى بولۋدى قاداعالاۋ»  تۋراسىنداعى  شەشىمىن نىعايتا ءتۇستى.

وتتو ءۋورمبيردىڭ اتا-اناسى فرەد پەن سيندي ۇلدارىنىڭ دۇيسەنبى كۇنى 14:20-دا جەرگىلىكتى سينسينناتي اۋرۋحاناسىندا كوز جۇمعاندىعىن مالىمدەگەن بولاتىن. 

شولۋشى: اقەركە مارات قىزى