«نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد استانا حالىقارالىق اۋەجايىنا ەلباسى ەسىمىنىڭ بەرىلۋىن قولدايتىنىن جەتكىزدى. بۇل تۋرالى بۇگىن پارتيانىڭ ورتالىق اپپاراتىندا دەپارتامەنت جەتەكشىلەرىنىڭ جانە وبلىستىق فيليال باسشىلارىنىڭ قاتىسۋىمەن وتكەن كەڭەيتىلگەن وتىرىستا بەلگىلى بولدى.
ءوز سوزىندە پارتيا ءتوراعاسىنىڭ ءبىرىنشى ورىنباسارى ءىرى حالىقارالىق اۋەجايلارعا مەملەكەتتىڭ نەگىزىن سالعان تۇلعالاردىڭ ەسىمىن بەرۋ الەمدە بار تاجىريبە ەكەنىن اتاپ ءوتتى. سونداي-اق، مۇنداي باستامانى نۇروتاندىقتاردىڭ بۇعان دەيىن دە كوتەرىپ، ايتىپ جۇرگەنىنە توقتالعان مۇحتار قۇل-مۇحاممەد: «تاۋەلسىز مەملەكەتىمىزدىڭ ءارى استانامىزدىڭ نەگىزىن سالۋشى ەلباسىمىز ەسىمىنىڭ حالىقارالىق اۋەجايعا بەرىلۋىن ابدەن زاڭدى قۇبىلىس دەپ بىلەمىن. امەريكادا نيۋ-يورك اۋەجايى دجون كەننەدي، ستامبۋلدا اتاتۇرىك ەسىمىن يەلەنگەن. بۇل وقيعانىڭ قازاقتىڭ اتىن الەمگە تانىتقان ەحرو-2017 كورمەسى كەزىندە ورىن الۋى وتە دۇرىس بولدى. ءاردايىم حالقىنىڭ شىنايى قولداۋىنا يە بولىپ، قازاقستاندى وركەنيەت بيىگىنە باستاپ كەلە جاتقان ەلباسىمىزدى الەمدىك قاۋىمداستىق ەلىمىزدىڭ سيمۆولى رەتىندە قابىلدايدى. سوندىقتان بارشا قازاقستاندىقتاردى بۇكىل دۇنيە جۇزىنە تاراعان قۋانىشتى جاڭالىقپەن شىن جۇرەكتەن قۇتتىقتايمىن»، – دەدى.
پىكىر قالدىرۋ