مەملەكەت باسشىسى، ەلباسى نۇرسۇلتان نازاربايەۆ حالىققا جولداۋلارىنىڭ بىرىندە: «اگروونەركاسىپتىك كەشەن تۋرالى ايرىقشا ايتقىم كەلەدى، ونىڭ دامۋى ارقاسىندا ءبىز ءبىر مەزگىلدە ەلىمىز ءۇشىن اسا ماڭىزدى ەكى مىندەتتى – ازىق-تۇلىك قاۋىپسىزدىگىن قامتاماسىز ەتۋدى جانە ەكسپورتتى ءارتاراپتاندىرۋدى شەشەمىز» دەپ اتاپ ءوتتى. راسىندا دا كەز-كەلگەن ەلدىڭ دامۋى ءوزىنىڭ تۇرعىندارىن ازىق-تۇلىكپەن قامتاماسىز ەتۋ ماسەلەسىنە تىكەلەي بايلانىستى.. مەملەكەت ەكونوميكاسىنىڭ وزەگى سانالاتىن اگرارلىق سالا الدىندا تۇرعان مىندەتتەر مەن مەجەلەر دە اۋقىمدى ەكەندىگى راس. بۇل تۇرعىدا قازاقستانداعى ازىق-تۇلىك قاۋىپسىزدىگى مەن ونى شەشۋدەگى جانە اتالعان سالاداعى يننوۆاسيالىق ىلكىمدى ىستەردى ىسكە اسىرۋداعى اگروونەركاسىپ كەشەندەرى جانە ورتالىقتارىنىڭ مۇمكىندىگى مەن باسىمدىقتارى ايتارلىقتاي ەكەندىگى جاسىرىن ەمەس.

وسى ورايدا، ۋنيۆەرسيتەت رەكتورى، ق ر ۇعا اكادەميگى،  پروفەسسور عالىمقايىر مۇتانوۆ: «جاڭا يندۋستريالدى-يننوۆاسيالىق دامۋ باعدارلاماسىنىڭ بەسجىلدىعىندا قازاقستاندىق جوعارى وقۋ ورىندارىنىڭ الدىندا مودەرنيزاسيا بويىنشا اۋقىمدى مىندەتتەر تۇر. قازىرگى كۇندە ۋنيۆەرسيتەتتەر عىلىم مەن يننوۆاسياعا باسىمدىق بەرۋى قاجەت» دەگەن ەدى. قازۇۋ قالاشىعىندا ستۋدەنتتەر تاجىريبەسىن كەڭىنەن جۇرگىزۋ ماقساتىندا جاسىل تەحنولوگيالار ايماعىندا  قۇرىلىپ، جىلىجاي جانە اكۆاپونيكا، جەل ەنەرگەتيكاسى مەن قاتار بيوگازدى قۇرىلعى ىسكە قوسىلدى. ونداعى باستى ماقسات التەرناتيۆتى ەنەرگيا الۋدىڭ تاسىلدەرىن تولىققاندى مەڭگەرۋ مەن قاتار ەكسپو – 2017 استانا قالاسىندا ءوتىپ جاتقان حالىقارالىق كورمەگە قويىلاتىن ۋنيۆەرسيتەت جاس عالىمدارىنىڭ عىلىمي-يننوۆاسيالىق جاڭالىقتارىنىڭ العىشارتى رەتىندە ىسكە قوسىلدى.

بيىلعى جىلى ۋنيۆەرسيتەت اگروبيوستانسياسىندا اۋىلشارۋاشىلىق سالاسىنداعى عىلىمي-يننوۆاسيالىق جۇمىستار مەن بيولوگيا جانە بيوتەحنولوگيا ماماندىعىنىڭ 3 كۋرس ستۋدەنتتەرىنىڭ وندىرىستىك  پراكتيكاسى قارقىندى تۇردە جۇرگىزىلدى. بۇل تۇرعىدا جالپى  10 گەكتاردى قۇرايتىن عىلىمي-وندىرىستىك ورتالىق اۋماعىندا 3 گەكتارعا جۋىق القاپتا بيدايدىڭ ەرەكشە سۇرىپى، 2 گەكتار اۋماقتا جوڭىشقا، 3 گەكتاردان استام جەرگە كارتوپ، ءسابىز، قىزاناق، قيار، تاعامدىق جانە ساندىك اسقاباق، قاۋىن، بولگار بۇرىشى، ورامجاپىراق، اسكوك جانە سىپىرعى وسىرىلۋدە.

وندىرىستىك پراكتيكا باستالىسىمەن، تەحنيكالىق قاۋىپسىزدىك شارالارىمەن جانە تەرريتوريا ەرەجەسىمەن تولىعىمەن تانىستىرىلعان ستۋدەنتتەر اگروبيوستانسيا اۋماعىنداعى نىساندارىمەن، اۋلا اعاشتارىنىڭ سانىن انىقتاۋ، اقتاۋ، شاعىن جىلىجايدا (كوشەتحانا) ءبىر جىلدىق گۇلدەردى وتىرعىزۋ، سۋارۋ جانە باپتاۋ شارالىرىنا جۇمىلدىرىلدى.  

Tr Aestivium L 42 حروموسومادا ا،ۆ،D گەنومدارعا ورنالاستىرۋ ءتاسىلىنىڭ سىزبانۇسقاسىن قۇراستىرۋ، رەسيپيەنت جانە دونور سورتتارىنىڭ حروموسومالارىن اۋىستىرۋ ءۇشىن سىزبانۇسقا قۇرۋدى جانە اۋماقتاعى فلورادان: وسىمدىكتەردەن گەرباريي جيناپ، ولاردىڭ مورفولوگيالىق قاسيەتىن، كلاسىن، ءتيپىن انىقتادى. توپىراق قۇرامىندا كەزدەسەتىن ازوت فيكساسيالاۋشى باكتەريالاردى انىقتاپ، ميكروسكوپ ارقىلى باقىلادى. سالاۋاتتى ءومىر سالتىن ۇستاناتىن بەلسەندى ستۋدەنتتەرىنىڭ قىزدار كومانداسىنان ۆولەيبولدان سپورتتىق ويىندار ۇيىمداستىرىلىپ، جەڭىمپاز كومانداعا سىيلىقتار مەن العىس حاتتار ۇلەستىرىلدى.

بيولوگيا جانە بيوتەحنولوگيا فاكۋلتەتىنىڭ دەكانى، ق ر ۇعا كوررەسپوندەنت مۇشەسى، پروفەسسور بولاتحان زايادان جانە بيولوگيا جانە بيوتەحنولوگيا ماسەلەلەرى عزي ديرەكتورى، ق ر ۇعا اكادەميگى، پروفەسسور امانگەلدى بيسەنبايەۆ پراكتيكاداعى ستۋدەنتتەرگە اقىل-كەڭەسىمەن بىرگە، عىلىمي-يننوۆاسيالىق جاڭالىقتارىمەن بولىسە وتىرىپ، بولاشاق بيولوگ ماماندارعا جىگەر بەرەتىن سەمينار وتكىزدى.

قۇتتىمۇرات تاعايەۆ،

ءال-فارابي اتىنداعى قازاق ۇلتتىق ۋنيۆەرسيتەتىنىڭ اگروبيوستانسياسىنىڭ ديرەكتورى، وقۋ اگروبيو-زەرتحاناسىنىڭ مەڭگەرۋشىسى