ماحاببات دەگەن ۇلى سەزىم قاي زاماندا بولسىن جىر قىلىپ ايتىلىپ تا، حيكايا بولىپ جازىلىپ تا كەلەدى. سەزىمنىڭ سەرگەلدەڭى مەن شىنايىلىعى قاتار باياندالعان ماحاببات حيكايالارىندا  ەكى عاشىقتىڭ ارەكەتى دە تۇرلىشە ءوربىپ، ۇقساس جاعدايدا اياقتالعان. الايدا ءبىز ەستىگەن ماحاببات داستاندارىنداعى وقيعا مەن كۇندەلىكتى كورىپ جۇرگەن سەزىم مەن رومانتيكاعا تولى فيلمدەر جاي عانا ماحابباتتان جولى بولماعان نەمەسە شىنايى سەزىمدى سەزىنگىسى كەلىپ جۇرگەن ادامنىڭ قيالى عانا. ومىردە ءبارى باسقاشا... قازىرگى كەزدەگى جاستاردىڭ ماحابباتىن ەكىگە ءبولىپ قاراستىرساق. جو-جوق. ءسىز ويلاعانداي اقشا مەن ادالدىققا قاتىستى ەمەس. ول جاعىن دا اشىپ ايىپ، كوسىلىپ سويلەپ، قالامنىڭ سياسىن تاۋىسىپ جازۋعا دا بولادى. الايدا مەن ءقازىر مۇلدەم بولەك دۇنيەنى ايتقالى وتىرمىن. العاشقى ماحاببات ءناپسىنىڭ ەتەگىن ۇستاپ، ءدىن مەن دىلگە قاراما-قارسى بولعان سەزىم.

بۇل سەزىم كۇندەلىكتى ومىردە كوبىنەسە بىلاي باستالادى. جىگىت پەن قىز كلۋبتا نەمەسە بەلگىلى ءبىر كەشتە تانىسادى، ۇيالى تەلەفون نومىرىمەن الماسادى. جىگىتتىڭ «كۇيدىم، ءسۇيدىم» دەگەنىنە قىز سەنىپ، كەلىسىم بەرەدى. ال ەندى قول ۇستاسقان، قۇشاقتاسقان  كۇندەر باستالدى. قوس عاشىقتىڭ كوشەدە جۇرگەندەگى باسقا تىرلىكتەرىن ايتپاي-اق قويايىن. تۇسىنبەي جاتساڭىز كوشەگە شىعىپ، ءوز كوزىڭىزبەن كورۋىڭىزگە بولادى. جىگىتتىڭ قىزعا بەرگەن كەرەمەت سىيلىقتارى، اندا-ساندا بىرنەشە ساعاتتىق وتىرىك قىزعانىش سەزىمى، ۇرىس-كەرىس تە ورىن الادى. الايدا ول بىرنەشە ساعاتقا عانا سوزىلۋى مۇمكىن. بىرنەشە اي قىزدىڭ قولىنان ۇستاپ جۇرگەن جىگىت ونىڭ ەتتەگىن اشىپ، كەرەگىن الادى. سونىمەن جىگىت قىزدى تاستاپ كەتىپ، رومانتيكاعا تولى ماحاببات حيكاياسى اياقتالادى. ارى قاراي نە بولاتىنى بەسەنەدەن بەلگىلى. اجەتحاناعا نەمەسە قوقىسقا تاستالعان ءسابي مەن بولاشاعى بۇلىڭعىر ايەل...

قازىرگى كەزدە 15 – 16 جاستاعى قىزداردىڭ انا اتانعانىن ەستىسەك تاڭقالمايتىن بولدىق. ول ءبىزدىڭ قوعام ءۇشىن قالىپتى جاعدايعا اينالىپ بارادى. ونىڭ بارلىعى وسى ءبىر زاماناۋي ماحابباتتىڭ «جەمىسى» مەن ناتيجەسى. قىزعا قىرىق ۇيدەن تىيۋ جاساعان قازاق حالقىنىڭ قىزدارى وسىنشالىقتى نامىسسىز، ۇياتسىز بولىپ بارا جاتقان قوعامدا ماحابباتتىڭ قاسيەتىنەن گورى قاسىرەتى ءجيى ايتىلاتىنى ءسوزسىز. قازاق حالقىندا ءتىپتى اكەسى قىزىن كوپ قۇشاقتاي بەرمەگەن، سۇيىسپەنشىلىگىن ماڭدايىنان ءسۇيىپ قانا بىلدىرگەن. سەبەبى، قىزدىڭ قىتىعى كەتىپ قالماسىن دەگەنى. ال ءقازىر اكەسىنىڭ قۇشاعىنا ەنبەگەن قىز وزگە جىگىتتىڭ قۇشاعىندا، اناسىنا ايتپاعان كەرەمەتتەي سەزىمىن بوتەن ەر ادامعا ءبىلدىرىپ جۇرگەنىن كۇندەلىكتى كوز كورىپ، قۇلاق ەستىپ جۇرگەنى بەلگىلى. ەگەر قىزىمىزعا تىيىم جاساپ، ۇلىمىزعا توقتاۋ سالماساق زاماناۋي ماحابباتتىڭ كەساپاتىن ءالى تاتارىمىز انىق.

كەلەسى ناپسىگە قاتال بولىپ، اتا دىنىمىزگە يسلام قاعيدالارىنا ساي شىنايى سەزىم. جىگىت قىزدى كلۋبتان نەمەسە كافەدەن تابا قويماس. سەبەبى جىگىت ەشقاشان تۇنگى كلۋبتا جۇرەتىن قىزعا ۇيلەنبەيدى. ارمانداعان سۇلۋىن كوشەدەن نەمەسە دۇكەننەن كەزدەستىرۋى مۇمكىن. جىگىت بولعاسىن ءبىرىنشى سۇلۋلىعىنا عاشىق بولادى. كەيىن قىزدىڭ بىرنەشە قارسىلىعىنان كەيىن ونىمەن سويلەسۋ باقىتى بۇيىرىپ، قىلىعى مەن تاربيەلىگىنە سۇيسىنە قارايدى. شىنايى عاشىق جىگىت ونىڭ اكەسىنىڭ نەمەسە اعاسىنىڭ الدىنا بارىپ، ولاردان رۇقسات سۇرايتىنى بەلگىلى. وزگە جىگىتتەر سەكىلدى اعاسى مەن اكەسىنەن قاشقاقتاپ، قورقىپ جۇرمەيدى.  ءبىراز ۋاقىتتان كەيىن قىزبەن دۇرىستاپ تانىسۋ ماقساتىندا كەزدەسە باستايدى. قىز كەزدەسۋگە جالعىز ەمەس قۇربىسىمەن نەمەسە جەڭگەسىمەن كەلەدى. سەبەبى ەكى جاس وڭاشا كەزدەسەتىن بولسا، ءۇشىنشىسى شايتان بولادى دەگەن ءسوز بار. ولار وڭاشا كەزدەسسە دە ارتىق قادامعا بارماۋ ءۇشىن كەزدەسۋ ۋاقىتىن كۇندىزگى مەرزىمگە بەلگىلەيدى. قىزدى ءوزىنىڭ بولاشاق جارى رەتىندە كورەتىن جىگىت ونى تۇندە كەزدەسۋگە شاقىرماۋعا تىرىسادى. عاشىقتار بىر-بىرىنە جاقىنداۋ بىلاي تۇرسىن قولدارىنان دا ۇستاماي المايدى. سەبەبى دىندەگى قاعيدا وسىنداي. بىرنەشە ايدان كەيىن ولار نەكەسىن قيىپ، ەرلى-زايىپتى اتانادى. ەكى عاشىق ءۇشىن ەڭ دۇرىس شەشىم نەكە بولىپ سانالاتىنى ايدان انىق دۇنيە. ءيا، جاستار  بىرنەشە اي كەزدەسۋدە ەشتەڭەگە ۇلگەرمەيتىن شىعار. ولار ءتىپتى ۇرىسىپ تا ۇلگەرمەيدى. نەكە قيعاننان كەيىن ولار ءۇشىن ۇرىسۋ دا ءبىر ەرەكشەلىك، وزگەشەلىك بولۋى مۇمكىن. ارى قاراي دىندەگى وتباسىعا ارنالعان قاعيداعا ساي ءومىر سۇرەدى.

مەن ەرتەگى ايتىپ وتىرعان جوقپىن. شاريعاتقا ساي سەزىمنىڭ كوبىسى وسىنداي بولادى. ونى ءبىراز تانىستان تا، دوستان دا ەستىگەنمىن. شاريعاتتاعى ماحابباتتىڭ نەگىزى قاعيداسى تەزدەتىپ نەكە قيۋ. نەكە قيۋ ارقىلى جاستار ۇرپاق سانىن كوبەيتەدى جانە دە ءتۇرلى ازعىرۋلاردان ساقتانادى.  نەكەدەن كەيىن عانا ناعىز، شىنايى ماحاببات باستالادى.

ايتىلعان ەكى جاعدايدىڭ قايسىسىن باسىڭىزدان كەشىرىپ ءجۇرسىز، قايسىسىن تاڭدايسىز ءوزىڭىز شەشەسىز. الايدا دۇنيەگە دەنى ساۋ ۇرپاق اكەلىپ، باقىتتى وتباسىن قۇرۋ سول شەشىمىڭىزگە بايلانىستى.  سەزىمنىڭ سەرگەلدەڭىنە ءتۇسىپ تاستاندى بالا سانىن ارتتىرۋدان گورى تەزىرەك نەكە قيىپ ساليقالى ۇرپاق تاربيەلەۋ ارتىعىراق ەكەنىن سىزدە ىشتەي بىلەتىن شىعارسىز. 

اۆتورى: اسەل وتەشوۆا