“قازاقستان باسقا مەملەكەتتەردە تۇرسا دا، ءوزىنىڭ ونەرىمەن، بىلىمىمەن قازاقتاردىڭ اتىن شىعارعان ادامداردى، تالانتتى تۇلعالاردى ءبىلۋى كەرەك. مەن ۇكىمەتكە تانىمال قازاقتاردىڭ ەلەكتروندى بازاسىن جاساۋدى تاپسىرامىن. بۇل تاريحي وتانىندا تۇرمايتىن قازاقتارعا جول اشادى. قوعامدىق سانانىڭ جاڭعىرۋى – قازاقتاردىڭ جاڭعىرۋى. بۇل بارلىق قازاقتاردىڭ بىرلىگى. باستى ماسەلە وسىندا. ال وعان تەك قازاقستانداعى ىنتىماق پەن بىرلىكتىڭ ارقاسىندا قول جەتكىزۋگە بولادى”.

بۇگىن ەلباسىمىز نۇرسۇلتان نازاربايەۆ استاناداعى دۇنيەجۇزى قازاقتارىنىڭ V قۇرىلتايىندا ۇكىمەتكە ءدال وسىنداي تاپسىرما بەردى.

بەرىلگەن تاپسىرمالارعا، ايتىلعان ويلار مەن الىنىپ جاتقان اسەرلەرگە قاراپ بيىلعى قۇرىلتايدىڭ ءيىسى قازاق بالاسى ءۇشىن بەرەر جەمىسى كوپ بولاتىن سياقتى. قۇرىلتايدا قازاقتاردىڭ نەگىزگى تاريحي وتانى قازاقستان ەكەنىن ايتا كەلە، ۇكىمەتكە شەتەلدەگى قازاق بالالارىنىڭ ەلىمىزدە ءبىلىم الۋىنا مۇمكىندىك بەرەتىن ارنايى ستيپەنديالىق باعدارلاما جاساۋدى تاپسىردى.

بۇل باستامالاردىڭ بارلىعى شەتتە جۇرگەن قانداس باۋىرلارىمىزدىڭ يگىلىگىنە ارنالعان. ايبىندى تاريح بەتتەرىنەن قازاق حالقىنىڭ ءجۇرىپ وتكەن جولدارىن كورىپ، بىردە سۇيىنەسىڭ، بىردە كۇيىنەسىڭ. اتا-بابالارىمىزدىڭ اسقاقتىعىنىڭ، ارمانشىلدىعىنىڭ، قاناعاتشىلدىعىنىڭ، قايسارلىعىنىڭ ارقاسىندا قازاق جۇرتشىلىعى بۇكىل الەممەن بەتپە-بەت كەلىپ ءجۇر. قازاقتىڭ قازاققا جانى اشىپ، جاعدايىن جاساۋعا تىرىساتىنى كوڭىل قۋانتىپ، كوكىرەگىڭە ساۋلە قۇيادى.

                                                                                                                                                           شولۋشى ورازحان اقتولقىن