ارگەنتينالىق روساريو قالاسىندا اتاقتى فۋتبولشى ليونەل مەسسي مەن انتونەللا روكۋسسونىڭ ۇيلەنۋ تويى ءوتتى، دەپ جازادى قامشى اقپارات اگەنتتىگى جەرگىلىكتى باق-تىڭ مالىمەتىنە سۇيەنىپ.

ارگەنتينالىق باسپا ءسوز فۋتبول كورولىنىڭ تويىن «عاسىر تويىنا» بالادى.

مەسسيدىڭ تۋعان قالاسىنداعى ۇلكەن قوناقۇيدە وتكەن تويعا نەبارى 260 قوناق شاقىرىلعان كورىنەدى،  فۋتبول الەمىنىڭ جارىق جۇلدىزدارى مەن اتاقتى ادامدار تويدىڭ ءقادىرلى قوناقتارى سانالدى.

جەرگىلىكتى باق-تىڭ مالىمەتىنشە، مەسسيدى جاتتىقتىرعان جاتتىقتىرۋشىلارى تويدا بولماعان.

مەرەكەلىك شارانى 100-دەن اسا پوليسەي قىزمەتكەرلەرى كۇزەتكەن. 150-گە جۋىق تىلشىلەر ءجۇردى.

مەسسي مەن انتونەللا بالا كەزدەن جاقىن دوستار بولعان ەكەن. 30 جاستاعى «بارسەلونا» فۋتبول كلۋبىنىڭ شابۋىلشىسى مەن 29 جاستاعى قالىڭدىعىنىڭ بۇگىندە ەكى ۇلدارى بار.

ايتا كەتەيىك، ليونەل مەسسي زاماناۋي فۋتبولشىلاردىڭ الدىڭعى قاتارىندا كوش باستاپ تۇرعان فۋتبولشى، ءارى فۋتبول تاريحىنداعى ەڭ مىقتى ويىنشى سانالادى.