زاماناۋي مەديسينا مەن تەحنولوگيا ادامداردىڭ ۇزاق ءارى زور دەنساۋلىقپەن ءومىر سۇرۋلەرىنە مۇمكىندىك بەرەدى. كەيبىر ادامدار، ءتىپتى، ءبىر عاسىردان دا ۇزاق عۇمىر كەشىپ جاتادى، دەپ جازادى قامشى اقپاراتتىق اگەنتتىگى شەتەلدىك باق-قا سىلتەمە جاساپ.

بۇل قارت كىسى 109 جاستا. ول مۇنداي ۇزاق ءومىر ءسۇرۋدىڭ قۇپياسىن اشىپ، ءوزىنىڭ ويىمەن ءبولىستى.

دجەسسي گاللان شوتلانديا تۇرعىنى، بۇگىندە جاسى 109-عا جەتكەن. ءوزى ۇساق فەرمەردىڭ وتباسىندا دۇنيەگە كەلگەن، باستاپقىدا بۇل وتباسىنىڭ 2 بولمەدەن عانا تۇراتىن كىشىگىرىم ۇيلەرى بولعان ەكەن. دجەسسيدىڭ 5 اپكەسى، 1 اعاسى بولعان. كەدەي وتباسىدا دۇنيەگە كەلۋ دجەسسيگە ۇزاق ءومىر سۇرۋىنە بوگەت بولا المادى جانە دە ول ءار كۇنى ءۇشىن قۋانىپ ءجۇرۋدى ۇيرەنگەن.

دجەسسي گاللان بۇگىندە 109 جاسقا تولدى. ال، ونىڭ مۇنداي جاسقا دەيىن ءومىر سۇرۋىنە ومىرلىك ۇستانىمدارى كومەك بولعان ەكەن. جانە ءدال وسى ەكى ۇستانىمى ءومىرىن تولىققاندى قىزىق ەتىپ وتكىزۋگە مۇمكىندىك بەرگەن.

ءبىرىنشى: ەركەكتەردەن اۋلاق بولۋ قاجەت جانە دە كۇنىگە س ۇلى بوتقاسىن جەۋ كەرەك. دجەسسي گاللان ەشقاشان تۇرمىس قۇرماعان، «ەركەكتەر تىم كوپ جاعىمسىز ماسەلەلەر تۋعىزىپ، كەلەڭسىزدىكتەر الىپ كەلەدى»، - دەيدى ول. ول ۇنەمى تاڭعى اسقا جىلى س ۇلى بوتقاسىن جەيدى جانە دە ءالى كۇنگە دەيىن تاڭعى جاتتىعۋ جاساۋىن توقتاتقان ەمەس.

دجەسسي گالاننىڭ ءبىر عاسىردان ۇزاق ءومىر سۇرۋىنە ونىڭ دۇرىس تاماقتانۋ، ۇنەمى فيزيكالىق قوزعالىستار مەن كۇيزەلىسكە تۇسپەيتىندىگى كومەكتەسكەن.