جاپونيانىڭ ناگويا پورتىندا وڭتۇستىك افريكادان كەلگەن قىزىل ءتۇستى قۇمىرسقالار تابىلدى. ولار شاققان ادام امان قالمايدى دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ.
ءقاۋىپتى قۇمىرسقالار قىتايدىڭ گۋانچجوۋ پورتىنان كەلگەن كونتەينەردەن شىققان كورىنەدى. ولاردى بىردەن پەستيسيدتىڭ كومەگىمەن ءولتىرىپ، زەرتحاناعا اپارىپ كورسە – بۇلار سول ۋلى قىزىل قۇمىرسقانىڭ ءوزى بولىپ شىعىپتى.
بۇل قىزىل قۇمىرسقا بۇعان دەيىن دە قىتايدان تالاي رەت كەلگەن ەكەن. سوڭعى رەت كوبە پورتىندا قىتايدان كەلگەن كونتەينەردەن تابىلعان.
قىزىل قۇمىرسقا – الەمدەگى ەڭ ءقاۋىپتى ناسەكوم، نەگىزىنەن وڭتۇستىك امەريكا ەلدەرىندە تىرشىلىك ەتەدى. قىزىل قۇمىرسقا شاققان ادام انافيلاكتيكالىق شوكتان ءولىپ كەتەدى ەكەن.
