جۇرەگىنە ترانسپلانتاسيا جاساتقان وتانداستارىمىز يسپانيانىڭ مالاگا قالاسىندا وتكەن XXI دۇنيەجۇزىلىك ترانسپلانت ويىندارىنان التىنمەن ورالدى.بۇل تۋرالى قامشى اقپاراتتىق اگەنتتىگى حابارلايدى.

 بوۋلينگ جارىسىنا قاتىسقان گۇلميرا سمايلوۆا 16 قارسىلاسىن قاپى قالدىرعان. سونداي-اق جەڭىمپازدىڭ وپەراسيادان كەيىنگى ءومىرى وزگەرىپ، سۋرەت سالۋعا قۇلشىنىسى ارتقان. مەديسينالىق كومەك كورسەتكەن ابزال جاندارعا دەگەن العىسى دا شەكسىز. كوماندانىڭ وزگە دە مۇشەلەرى جۇزۋدەن جانە ۇستەل تەننيسىنەن جاقسى ناتيجەلەر كورسەتىپ، جالپى ەسەپتە قۇرامامىز ۇزدىك ۇشتىككە ەنگەن.

ايتا كەتەيىك، الەم بويىنشا ادام اعزاسى دونورلارىنىڭ قاي كەزدە دە تاپشى ەكەنى بەلگىلى. ورتالىق كوممۋنيكاسيالار قىزمەتىندە ەسەپ بەرگەن دارىگەرلەردىڭ دەرەگىنە سۇيەنسەك، ەلىمىز بويىنشا 10 ادام وكپەگە، 526-سى باۋىرىنا، 2 مىڭ 800ء-ى بۇيرەگىنە ترانسپلانتاسيا جاساتۋ كەزەگىندە تۇر. «ۇلتتىق عىلىمي كارديوحيرۋرگيا ورتالىعى» اكسيونەرلىك قوعامىنىڭ باسقارما ءتوراعاسى يۋريي پيانىڭ ايتۋىنشا، ازاماتتار اراسىندا دونورلىق مادەنيەتتى قالىپتاستىرۋ قاجەت.

ايتا كەتەيىك، قازاقستاندا جۇرەك ترانسپلانتاسياسى كەزەگىندە 135 ادام تىركەۋدە تۇر.

شولۋشى: ايگەرىم تاۋباي