ەرتەڭ شىركىن دەمالىس دەپ قۋانىپ.
ۇيقى قاشىپ،بەت جۇزدەرى نۇرلانىپ. 
تەز-تەز ىستەپ جۇمىستاعى تىرلىكتى.
ۇيگە قاراي ۇمتىلاتىن ۇرلانىپ.
تاڭ اتادى،كەلدى سەنبى ۇيدەسىڭ.
تاماشا ءبىر سەزىمدەسىڭ كۇيدەسىڭ.
مۋزىكانى قوسىپ قويىپ جۇرەسىڭ.
بەس كۇن بويى بولماعانداي ۇيدە شىن.
تۇسكى تاماق ءىشىپ الىپ باستايسىڭ.
بۇل ءسوزىمدى قۇپ الاسىڭ راستايسىڭ.
شەلەگىڭە سۋ قۇيىپ-اپ بولمەلەردى.
ايناداي عىپ ءسۇرتىپ،جيناپ تاستايسىڭ.
كۇن ىستىق پا،سۋىعىنا قاراماي.
جورتا باسىپ بازار جاققا كەتەسىڭ.
قاي جەر ارزان،قاي جەر قىمبات ارالاي.
ەكى پاكەت تولى ۇيگە جەتەسىڭ.
وسى مەنەن كەشتە باتىپ قالادى.
جاڭا ويلار تۇرتكىلەيدى ساناڭدى.
تاماعىڭنىڭ استىن جايلاپ قىزدىرىپ.
جۋىندىرىپ تا الاسىڭ بالاڭدى.
ءبىر ۋاقىتتا دامىلداماي جۇرەسىڭ.
دەمالىسىم وسى ما دەپ كۇلەسىڭ.
بىلە تۇرا وسىلاي وتەرىنە، 
دەمالىستى سەن ساعىنا كۇتەسىڭ. 
تاڭ اتادى، كەلدى مىنە جەكسەنبى، 
وزگە سەزىم باسىپ تۇرار ەڭسەڭدى. 
تەلەديدار كورۋگە دە وتىرساڭ، 
تىرلىكتەرىڭ كۇتىپ قالار بەلسەندى. 
كىر جۋۋدىڭ كىرىسەسىڭ قامىنا، 
قارا تەرگە تۇسەسىڭ-اۋ مالىنا. 
اراسىندا ەش سەبەپسىز ايقايلاپ، 
جىبەرەسىڭ ۇيدە جۇرگەن شالىڭا. 
ايعايىڭا ايعاي قوسىپ كۇيەۋىڭ، 
نەگە سونشا اشۋلانىپ ءجۇرسىڭ دەپ. 
بىزدەن وسى الماساڭشى ءوشىڭدى، 
بۇل ءوزىڭنىڭ كۇندەلىكتى ءىسىڭ دەپ. 
كىر جۋىلىپ بولعاننان سوڭ جاياسىڭ، 
كۇن جىلىدا تەز-تەز ەندى كەپسىن دەپ. 
وسى ساتتە توركىن جاقتى ويلايسىڭ، 
ارماندايسىڭ سول ءبىر جاققا كەتكىڭ كەپ. 
بۇل جاي ارمان بىلەسىڭ عوي وزىڭدە، 
وتىرىك جوق اشىپ ايتسام سوزىمدە. 
ايەلدەر-اۋ مىقتى جاندار نەگىزى، 
ەڭ ءبىرىنشى ەرىك بەرەر توزىمگە. 
سودان كەيىن كىرەسىڭ اسحاناعا، 
قانداي تاماق جاساۋ كەرەك وي مازاڭدا. 
قوي ءبىر ىستىق سورپا ىشەيىك دەيسىڭ داعى، 
سالىنادى ساقىرلاعان ەت قازانعا. 
كەي كەزدەردە قوناق كەلىپ قالادى، 
داستارحانى جايقالادى تولادى. 
ويتكەنى باعاناعى پاكەتتەردىڭ بىرەۋىندە، 
قوناققا دەگەن تاتتىلەرى بولادى. 
تويلاردان دا قالماۋعا تىرىساتىن، 
ەرتىپ الىپ بارلىق بالا-شاعاسىن. 
كويلەگىندە كيىپ الىپ جاراساتىن، 
بارلىعىنا ۋاقىت تاۋىپ باراسىڭ. 
كەپسە كىرلەر رەتتەپ ونى الاسىڭدا، 
ۇتىكتەيسىڭ، ءوز ورنىنا جينايسىڭ. 
ۇي-ىشىمەن كۇلىپ، ويناپ اراسىندا، 
شارشاساڭدا ەزۋىڭدى جيمايسىڭ. 
مىنە وسىلاي تاعى كەشتە باتادى، 
لەزدە دەيسىڭ كەشتىڭ وسى باتارى. 
ءتىستى شۇقىپ ەتتەن كەيىن ىسىلداپ، 
تەرلەپ تاعى شاي ءىشىلىپ جاتادى. 
وقىساڭىز ولەڭىمدى شوشىنباي، 
كەتە الماسسىز سوزدەرىمە قوسىلماي. 
دەمالىسى جۇمىس كۇنگە ۇكسايتىن، 
ايەلدەردىڭ دەمالىسى وسىنداي! 
ءۇي ىشىنە ارنايتىن دەمالىسىن، 
ايەلدەر عوي بىلەر ءىستىڭ دۇرىسىن. 
شارشاپ ەندى شىرت ۇيقىعا كەتەسىڭ، 
ويتكەنى ەرتەڭ كۇتىپ تۇر ءوز جۇمىسىڭ!

ەرلان جۇزەيەۆ