استانا كۇنى قارساڭىندا باس پروكۋراتۋرادا سالتاناتتى جينالىس بولىپ ءوتتى، دەپ جازادى قامشى اقپارات اگەنتتىگى.
باس پروكۋرور ارىپتەستەرى مەن ارداگەرلەردى شىن جۇرەكتەن مەرەكەمەن قۇتتىقتادى. قۇتتىقتاۋ بارىسىندا ج.اسانوۆ تاريح بەتتەرىنە شولۋ جاساپ، بىرەگەي ەۋرازيالىق فەنومەننىڭ نەگىزىن سالۋدا استانانىڭ بەينەسىنە تەرەڭ ساياسي جانە رۋحاني ماعىنانىڭ ىرگەتاسىن قالاعان مەملەكەت باسشىسى – ۇلت كوشباسشىسى ن.ءا.نازاربايەۆتىڭ سۇبەلى ۇلەسىن اتاپ ءوتتى.
ج.اسانوۆ: «بۇگىن ءاربىر قازاقستاندىقتىڭ كوكەيىن ءبىزدىڭ اسەم استانامىز ءۇشىن ماقتانىش سەزىمى كەرنەپ تۇر. بارلىق قازاقستاندىقتار سياقتى ءبىز دە ەڭبەگىمىز ارقىلى وسىعان ۇلەس قوسۋدامىز، سونىمەن قاتار ول بىزگە بيىك شىڭداردى باعىندىرۋدا باعىت بەرەدى»،- دەدى.
پروكۋرورلار قيماس سەزىممەن اعا بۋىن ارىپتەستەرىن قۇرمەتتى زەينەتكەرلىك دەمالىسقا شىعارىپ سالدى.
باس پروكۋرور ومىرلەرىنىڭ ۇلكەن بولىگىن زاڭدىلىقتى نىعايتۋعا ارناپ، ەلەۋلى ۇلەس قوسقان ەڭبەكتەرىنە العىسىن ءبىلدىردى، ءارقايسىسىنىڭ جەكە جانە كاسىبي تۇلعا رەتىندەگى قادىر-قاسيەتتەرىن اتاپ ءوتىپ، ولارعا زور دەنساۋلىق پەن اماندىق تىلەدى.
«قۇرمەتتى ارداگەرلەر! سىزدەر لايىقتى زەينەت دەمالىسىنا شىعىپ بارا جاتقاندارىڭىزبەن، بويلارىڭىز ءالى كۇش-قايراتقا تولى. وزدەرىڭىزدىڭ شەبەرلىكتەرىڭىز بەن تاجىريبەلەرىڭىزدى پايدالانىپ، ودان ءارى دە قوعامدى دامىتۋعا ۇلەس قوساسىزدار دەپ سەنەمىن. سىزدەردى جاس ماماندارمەن تاجىريبەلەرىڭىزبەن بولىسۋگە جانە ولارعا ۇلگى كورسەتۋگە شاقىرامىن»، - دەپ قورىتىندىلادى ج.اسانوۆ.
