يسلام – سوزبە-سوز العاندا مويىنسۇنۋ، بەرىلۋ (اللاھقا-رەد.) دەگەن ماعىنانى بىلدىرەدى. يسلام – قاۋىپسىزدىك پەن بەيبىتشىلىك ءدىنى. ەڭ وكىنىشتىسى، وسى قاعيدالاردى نەگىز ەتەتىن يسلامدى، كەيبىرەۋلەر تەرروريزمنىڭ ءسينونيمى رەتىندە قاراستىرادى. بۇل ەڭ ۇلكەن تاريحي قاتە بولىپ تابىلادى، بۇل جايت وسىنداي پىكىردەگى ادامداردىڭ يسلام جايىندا بىلىمدەرىنىڭ تايازدىعىن بايقاتىپ، جان-تانىمەن تەرەڭ بويلاپ تۇسىنبەگەندىگىندە جاتىر. 

امەريكالىق ۇلتتىق زەرتتەۋ ينستيتۋتى قورى قۇراما شتاتتا 2008-2016 جىلدار ارالىعىندا ورىن العان تەرروريستىك اكتىلەرگە تالداۋ جۇرگىزدى، دەپ جازادى قامشى اقپارات اگەنتتىگى.

ونىڭ ناتيجەسىندە كوپشىلىكتىڭ ساناسىندا نىق ورىن العان تۇسىنىكتەر وزگەرەدى – اسىرەۇلتشىل، ءناسىلشىل توپتاردىڭ جاساعان تەراكتىلەرى مەن شابۋىلدارى «يسلام تەرروريزمى» اتاپ كەتكەن ەكسترەميستىك تەراكتىلەردەن ەكى ەسە جوعارى كورسەتكىشتى كورسەتكەن.

وسى ۋاقىت ارالىعىندا اقش-تا يسلام اتىن جامىلىپ 63 تەراكتى جاسالعان. بۇل قاتاردا سان-بەرناردينوداعى قاستاندىق شابۋىلى جانە بوستون مارافونىنداعى جارىلىس بار. ال ءدال وسى كەزەڭدە اسىرەۇلتشىل توپتار 115 تەراكت جاسادى، ونىڭ ىشىندە كولورادوداعى ەمحانا دارىگەرلەرىنە قاستاندىق شابۋىلى دا بار.

«يسلام تەرروريزمى» اتاۋىن جامىلعان تەراكتىلەردىڭ 13%-ىندا جانكەشتى ءوزىن قۇربان ەتسە، بۇل جاعداي اسىرەۇلتشىلداردا 33%-عا تەڭ. سولشىل راديكالدى تەرروريزمگە (كوممۋنيستىك جانە انارحيستىك) كەلەر بولساق، ولاردىڭ ەنشىسىندە اتالعان مەرزىم ىشىندە 19 تەراكت جانە 7 قۇربان بار. 

دەرەككوز: kazislam.kz