رەسەيلىك ساياساتكەر الەكسەي ناۆالنىيدىڭ        ماسكەۋدەگى شتاب پاتەرىندە ءتىنتۋ جۇمىستارى جۇرگىزىلدى دەپ حابارلايدى قامشى اقپاراتتىق اگەنتتىگى. قىلمىستىق ىزدەستىرۋ باسشىسىنىڭ ورىنباسارى ەۆگەنيي تيحوميروۆتىڭ ايتۋىنشا، ءوز بەتىنشە بيلىك جۇرگىزۋ بويىنشا قىلمىستىق ءىستى تەكسەرۋ ءۇشىن اتالمىش ىستەر اتقارىلعان.

ناۆالنىيدىڭ سايلاۋ شتابىنىڭ باسشىسى لەونيد ۆولكوۆ ءوزىنىڭ فەيسبۋك پاراقشاسىندا تەرگەۋ كوميتەتىنىڭ قىزمەتكەرلەرى ماسكەۋدەگى جەرتولەدەن 205 مىڭ گازەت پەن ءۇنپاراقتاردى الىپ كەتكەنىن جازدى.

بي-بي-سي جۋرناليستەرىنىڭ حابارلاۋىنشا، شتاب پاتەردەگى ەسىكتەردىڭ قۇلىپتارىن اۋىستىرعان. تەرەزەلەرگە تور قويعان. تۇندە شتابتا جۇمىس ىستەگەن ەرىكتى الەكساندر تۋروۆسكيي بايلانىسقا شىقپاعان.

كەيىنىرەك لەونيد ۆولكوۆ ەرىكتىنىڭ تابىلعانىن ونىڭ سوققىعا جىعىلعانىن جانە سوت بولاتىنىن حابارلاعان.

شولۋشى: اسەم المۇحانبەت