جەر ماسەلەسىندە بيىك پەن حالىق اراسىنداعى قارىم-قاتىناس تەك سوتپەن رەتتەلەدى. بۇگىن «قالا دنك-سى: قوعامداستىق. بيزنەس. بيلىك» ءبىرىنشى ۋربانيستىك فورۋمىندا ەلوردا اكىمى اسەت يسەكەشيەۆ وسىلاي ءمالىم ەتتى، دەپ حابارلايدى قازاقپارات.

فورۋم بارىسىندا قالا باسشىسىنان سۇرىلگەن ەسكى ۇيلەردىڭ قوجايىندارىنا بەرىلەتىن سوما نەگە ءارتۇرلى  ەكەندىگىن سۇراعان بولاتىن.

«زاڭعا سايكەس كاداسترلىق قۇنى  بەرىلەدى. ودان كەيىن سوتقا بەرىپ، سوت سومانى تۇزەتەدى دە مەملەكەت ۇستەمەسىن وتەيدى. مۇنان وزگە دە مىسالدار جەتەدى. ينۆەستور بازار سالدى. ول ءۇشىن 6-7 ءۇي ءسۇرىلىپ، قوجايىندارى وتەماقىلارىن الدى. تەك ءبىر ءۇي قالىپ قويدى. ونىڭ قوجايىنى مۇلكىنىڭ  شارتى تۇردە 3 ملن  دوللار تۇراتىندىعىن ايتىپ، وتىرىپ الدى. سودان ول ءۇي بازار الاڭىنىڭ ورتاسىندا قالىپ قويدى»، - دەدى قالا باسشىسى.

ونىڭ ايتۋىنشا، جەر ماسەلەسىندە بيىك پەن حالىق اراسىنداعى قارىم-قاتىناس تەك سوتپەن رەتتەلەدى.

«قالا جىلدام وسكەن كەزدە، جولدار سالىنعاندا قاجەتتىلىك ءۇشىن ساياجاي ۇيلەرى سوت بيلىگى ارقىلى دا ساتىپ الىنادى. ونان باسقا جولى جوق. ماسەلەن، جاڭا ۆوكزال سالىندى، وعان جول قاجەت. مۇنداي جاعدايدا نە ىستەۋىمىز كەرەك؟ جالعىز جول ساتىپ الۋ، ال داۋلاردى سوت ورگاندارى ارقىلى شەشۋ»، - دەدى ءا.يسەكەشيەۆ.