ۆاشينگتون گامبۋرگتە وتەتىن «ۇلكەن جيىرمالىقتىڭ» ءسامميتى الدىندا بەيجىڭنىڭ تامىرىن باسىپ كوردى. امەريكانىڭ ەكى B-1B بومبالاۋشى ۇشاعى وڭتۇستىك-قىتاي تەڭىزى ۇستىنەن ۇشىپ ءوتتى دەپ جازادى Qamshy.kz. وندا جۇڭگو وزىنە تيەسىلى دەپ سانايتىن داۋلى ارال سيشا ورنالاسقان.

سيشا ارالى – پاراسەل ارالدارىنداعى ارحيپەلاگ. ولار قىتايدىڭ حاينان ارالىنان وڭتۇستىككە قاراي 230 كم قاشىقتىقتا، ۆەتنامنىڭ ليشون ارالىنان شىعىسقا 200 كم اۋماقتا ورنالاسقان. پەنتاگون بومبالاۋشى ۇشاقتىڭ ۇشۋى اتالعان ءوڭىردىڭ اۋە كەڭىستىگى حالىقارالىق دەڭگەيدە پايدالانۋعا اشىق ەكەنىن دالەلدەۋ ءۇشىن جاسالدى دەپ مالىمدەگەن.

بۇعان دەيىن بەيجىڭ اقش-تى ەسكادروندىق ميناتاسىعىش كەمەسى داۋلى ارالدارعا كىرگەنى ءۇشىن ءوزىنىڭ ەگەمەندىگى مەن حالىقارالىق قۇقىقتى بۇزدى دەپ ايىپتاعان ەدى.

جۇڭگو اقش-تى بۇنداي ءىس قيمىلدى توقتاتۋعا شاقىرىپ، ءوزىنىڭ تۇتاستىعى قۇرمەتتەۋدى، قاۋىپسىزدىككە نۇقسان كەلتىرمەۋدى تالاپ كەتكەن. بۇنداي رەسمي ەسكەرتۋدى جۇڭگو ءسىم وكىلى لۋ كان جاساعان. ول ءوز سوزىندە قىتايدىڭ ءوزىنىڭ قاۋىپسىزدىگىن قورعاۋ مەن تۇتاستىعىن ساقتاۋدا بارلىق قاجەتتى شارالاردى جاساي الاتىنىن قاتاڭ ەسكەرتكەن.