الماتىدا قالاعا قوسىلعان ەلدى مەكەندەردەگى تۇرعىنداردى، سونىڭ ىشىندە تاۋلى جەرلەردە تۇراتىنداردى قوعامدىق كولىكپەن قامتاماسىز ەتۋ ماقساتىندا 10 شىلدەدەن باستاپ جاڭا اۆتوبۋستاردىڭ باعىتتارى اشىلادى دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساپ. بۇل ماڭىزدى ءىستى جۇزەگە اسىرۋ ءۇشىن جەرگىلىكتى بيۋدجەت ەسەبىنەن ءتۇرلى جولمەن جۇرۋگە بەيىمدەلگەن ەۆرو-4 ەكولوگيالىق ستاندارتتاعى 45 ديزەلدى اۆتوبۋستار الىنعان ەدى.

جاڭا باعىتتار تۇرعىندار مەن اكىمدىكتەردەن تۇسكەن وتىنىمدەر نەگىزىندە جاسالدى. بۇگىنگى كۇنگە دەيىن قاجەتتى جىلجىمالى سوستاۆتىڭ جوقتىعى سالدارىنان جوعارىدا اتالعان باعىتتارعا كولىك قاتىنامايتىن.

بيىلعى جىلدىڭ 10 شىلدەسىنەن باستاپ «الماتىەلەكتروترانس» ج ش س مىنا باعىتتار بويىنشا كولىك قوزعالىسىن قامتاماسىز ەتەدى: № 26 (تاۋجولى – قالقامانداعى №7ەمحانا)، № 40 (جۇمىسشىلار پوسەلكەسى – ماقاتايەۆ كوشەسى)، № 125 (كوكجيەك - «ارمادا» ساۋدا ءۇيى). 17شىلدەدەن باستاپ مىنا باعىتتار بويىنشا اۆتوبۋستار جۇرە باستايدى: №14 (قاراعايلى - «بارىس-3» بازارى)، № 15 (الاتاۋ سوۆحوزى - «التىن وردا» بازارى) باعىتىندا اۆتوبۋستار جۇرە باستايدى. قۇجاتتاردى دايىنداۋ جونىندەگى بارلىق ءىس-شارا بىتكەن سوڭ 1 تامىزدان باستاپ №28 (وربيتا 2،4 - گەس 2)، №68 (ءال-فارابي داڭعىلى - رەميزوۆكا ساياجايلارى) باعىتتار بويىنشا اۆتوبۋستار قاتىنايتىن بولادى»، - دەلىنگەن قالالىق اكىمدىكتىڭ باسپا ءسوز قىزمەتى تاراتقان اقپاراتتا.

«الماتىەلەكتروترانس» ءجشس-نىڭ كوممۋنالدى كاسىپورنىنا لياز ماركالى 15 اۆتوبۋس بەرىلدى. 9،5 مەترلى تومەن ەدەندى بۇل اۆتوبۋستار ەۆرو-5 ەكولوگيالىق ستاندارتىنا ساي، كونديسيونەرلەرمەن، مۇگەدەكتەر ءۇشىن ارنايى كوتەرگىشتەرمەن جابدىقتالعان. قۇجاتتاردى دايىنداۋ جونىندەگى بارلىق ءىس-شارا بىتكەن سوڭ ولار 1 تامىزدان باستاپ مىنا باعىتتار بويىنشا جولعا شىعادى: №28 (.وربيتا 2،4 – گەس 2)، №68 (ءال- فارابي داڭعىلى – رەميزوۆكا ساياجايلارى).

سونىمەن قاتار، قالا باعىتتارىنداعى جىلجىمالى سوستاۆتى جاڭارتۋ ماقساتىندا جىل اياعىنا دەيىن 300 زاماناۋي جاڭا اۆتوبۋستار الۋ ءۇشىن الماتى اكىمدىگى 11،5 ملرد. تەڭگە ءبولدى.

شولۋشى: اسەم المۇحانبەت