قاراعاندى قالاسىندا شاحتا مۇراجايى اشىلدى. بۇل تۋرالى قامشى اقپاراتتىق اگەنتتىگى قاراعاندى جاڭالىقتارىنا سىلتەمە جاساپ حابارلايدى.

قاراعاندىلىق تاۋ-كەن يندۋستريالدىق كوللەدج بازاسىنداعى شاحتانى مۇراجايعا اينالدىرۋ يدەياسى وبلىستىق ءبىلىم باسقارماسىنىڭ باسشىسىنا تيەسىلى. وسىلايشا وبلىستىق اكىمشىلىككە ۇسىنىس جاسالىپ، بيۋدجەتتەن 25 ملن تەڭگە ءبولىندى. ناعىز شاحتانىڭ ءدال كوشىرمەسىنە اينالعان مۇراجايدا، ءتىپتى جەلدەتۋ تارماعى، قوسالقى ستانسيا، كەنىشتىك سۋ توكپە، تاسپالى كونۆەير، كومىر وياتىن ورىن مەن كومباين دا بار. مۇنداعى بارلىق جابدىقتار جۇمىس ىستەپ تۇر. «بۇل مۇراجايدىڭ كوللەدج ستۋدەنتتەرىنە تيگىزەتىن پايداسى مول، ولار تاجىريبەدەن وسى جەردە وتەتىن بولادى، ال قوناقتار مەن تۋريستەرگە ءار مەزگىلدە ەسىك اشىق»، – دەيدى وقۋ ورىننىڭ ماماندارى.

ايتا كەتسەك، مۋزەيگە كىرۋ بيلەتىنىڭ باعاسى 500 تەڭگە.

شولۋشى: ايگەرىم تاۋباي