سوڭعى 12 جىلدا ەل ەكونوميكاسىنا قۇيىلعان 245 ملرد دوللاردان استام شەتەلدىك قارجىنىڭ باسىم بولىگى پايدالى قازبالاردى يگەرۋگە جۇمسالدى دەپ حابارلايدى قامشى اقپاراتتىق اگەنتتىگى 24.kz-كە سىلتەمە بەرىپ. سوڭعى مالىمەتتەرگە سۇيەنسەك، اعىمداعى جىلدىڭ ءبىرىنشى توقسانىندا تىكەلەي ينۆەستيسيالاردىڭ جالپى كولەمى جيىرما پايىزعا ارتقان. بۇل تۋرالى قۇرمەتتى كونسۋلدار سەزىندە ينۆەستيسيالار جانە دامۋ ءمينيسترىنىڭ ورىنباسارى مالىمدەدى.
اتالعان شارانىڭ ماقساتى - شەتەل ينۆەستورلارى ءۇشىن قازاقستاندا جاسالىپ جاتقان جاعدايلاردى جان-جاقتى ءتۇسىندىرۋ جانە سول اقپاراتتى كونسۋلدار ارقىلى بارلىق ينۆەستورلارعا جەتكىزۋ. باسقوسۋعا جەرگىلىكتى جانە شەتەلدىڭ 130-دان استام قۇرمەتتى كونسۋلى قاتىستى. ەرلان قايىروۆ، ق ر ينۆەستيسيالار جانە دامۋ ءمينيسترىنىڭ ورىنباسارى: - بىزدە 700-دەن استام مەملەكەتتىك مەنشىك ساۋداعا قويىلادى. شەتەلدىك ينۆەستورلاردى سول مۇلىكتى جەكەشەلەندىرۋ مۇمكىندىگىن قاراستىرۋعا شاقىرامىن. مەملەكەتتىك-جەكەمەنشىك ارىپتەستىك سالاسىندا دا كوپتەگەن جوبانى بىرلەسە وتىرىپ، قولعا الۋعا بولادى-دەدى.
پىكىر قالدىرۋ