شىعىس قازاقستان وبلىسى اباي اۋدانىنىڭ كوكباي اۋىلدىق وكرۋگىنە قاراستى «جىلىساي» ۋچاسكەسىندە 15 گا اۋماقتا دالالى جەر ورتەندى. ارادا ءبىر كۇن وتكەننەن كەيىن ءورت تىركەلگەن جەردەن 1980 جىلعى ازاماتتىڭ دەنەسى تابىلدى، دەپ حابارلايدى قامشى اقپاراتتىق اگەنتتىگى «قازاقپارات»-قا سىلتەمە جاساپ. شقو جۇمىلدىرۋ دايىندىعى باسقارماسىنىڭ باسپا ءسوز قىزمەتىنەن حابارلاعانداي، جەرگىلىكتى ءورت ءسوندىرۋ بولىمىنە حابارلاما 8 شىلدە كۇنى ساعات 16:36 شاماسىندا كەلىپ تۇسكەن. وقيعا ورنىنا جەتكەن قۇتقارۋشىلار 15 گا اۋماقتا جالىنداپ جاتقان القاپتى اۋىزدىقتاۋعا كىرىسكەن.
«ارادا ءبىر كۇن وتكەننەن كەيىن ساعات 14:00 شاماسىندا ورتەنگەن اۋماقتان «Volkswagen Passat» كولىگى، ال ونىڭ جانىنان دەنەسى جانىپ كەتكەن 1980 جىلعى ازاماتتىڭ مۇردەسى تابىلدى»، - دەپ حابارلادى ۆەدومستۆودان. شقو تجد باسپا ءسوز قىزمەتىنەن اتاپ وتكەندەي، وتتىڭ شىعۋىنا قاۋىپسىزدىك ەرەجەلەرىن ساقتاماۋ نەمەسە ورتكە ءقاۋىپتى جوعارى اگرەگاتپەن ابايسىز جۇمىس اتقارۋ سەبەپ بولۋى مۇمكىن. ءتىلسىز جاۋ قازىرگى ۋاقىتتا تولىق اۋىزدىقتالدى.
