باتىس قازاقستان وبلىسى قازتال اۋدانى تالدىاپان اۋىلىندا توعىزىنشى سىنىپ وقۋشىسى وز-وزىنە قول سالدى، دەپ جازادى قامشى اقپاراتتىق اگەنتتىگى  "موي گورود" باسىلىمىنا سىلتەمە جاساپ.

قايعىلى وقيعا 5 شىلدە كۇنى بولعان. قىز سول كۇنى قۇربىلارىنىڭ بارىنە بارىپ شىعىپ، ۇيگە كەلگەسىن اسىلىپ قالعان. قىز وزىنە-وزى قول جۇمساردان بۇرىن، حات جازىپ قالدىرىپتى. حاتىندا "قارا ادام — اجال" بۇرىننان شاقىرىپ جۇرگەنى جازىلعان. 

"ءوزىم اسىلىپ قالماسام، جاقىندارىمدى الىپ كەتەدى. ءتىپتى ءقازىر قاسىمدا اسىقتىرىپ تۇر، سوندىقتان دۇرىستاپ جازا الماي وتىرمىن. مەنىڭ ولىمىمە ەشكىمدى ايىپتاماڭدار"، — دەلىنگەن حاتتا.

باسىلىم اتاپ وتكەندەي، قىزدان بولەك وتباسىندا تاعى بەس بالا بار. ءوزى ساباقتى جاقسى وقىعان ەكەن، 8 شىلدەدە دوستارىمەن بىرگە استاناعا ەكسپو كورمەسىنە بارۋى ءتيىس بولاتىن.

شولۋشى: ايگەرىم تاۋباي