جۇڭگو  بۇل جوبانى نەگىزىنەن  ءبىر جىلعا سوزىلۋى ءتيىس. بۇل ۋاقىت بويى ءبىرىن-بىرى الماستىرعان سەگىز ەرىكتى ارنايى ءمودۋلدىڭ ىشىندە تۇراتىن بولادى دەپ حابارلايدى قامشى اقپاراتتىق اگەنتىگى 24.kz-كە  سىلتەمە جاساي وتىرىپ.ونىڭ اۋماعى - 160 شارشى مەتر. مۇندا جاتاتىن جانە دەمالاتىن ورىن مەن قالدىقتاردى جويۋعا ارنالعان بولمە بار. دەگەنمەن ءمودۋلدىڭ كوپ بولىگىن ەكى جىلىجاي الىپ جاتىر. ەرىكتىلەر وندا كوكونىس ءوسىرىپ، سونىمەن تاماقتانادى. جالپى جۇڭگو 2036 جىلعا تامان ايعا العاشقى عارىشكەرلەرىن اتتاندىرۋعا نيەتتى. بۇل جوبا كومەگىمەن استروناۆتتاردىڭ ۇزاق ۋاقىت بويى اۆتونومدى ءمودۋلدىڭ ىشىندە ءومىر ءسۇرۋ قابىلەتتىگى تەكسەرىلەدى. وسى ماقساتپەن اسپاناستى ەلىنىڭ عالىمدارى ءۇش جىل بۇرىن ۇقساس تاجىريبە جۇرگىزگەن بولاتىن. ول نەبارى ءۇش ايعا عانا سوزىلعان.  

ليۋ حوي، تاجىريبە قاتىسۋشىسى: - كۇنى بويى شارۋالارمەن اينالىسىپ ءجۇرىپ، ۋاقىتتىڭ قالاي وتكەنىن بايقاماي قالامىز. الايدا دەمالۋعا وتىرعاندا كوڭىلىمىز جابىرقاپ قالادى. ويتكەنى جاقىندارىڭ جايلى ويلاپ، تۋعان-تۋىستارىڭدى ساعىناسىڭ. سوندىقتان جوبا قاتىسۋشىلارىمەن اڭگىمە-دۇكەن قۇرىپ، ءبىراز جەڭىلدەپ قالامىز.

شولۋشى: اقنۇر مۇحتارحان