«ورداباسى» فۋتبول كلۋبى 500 ملن. تەڭگەگە ساتىلدى. ەلەكتروندى ۇلگىدە جۇرگىزىلگەن ساۋداعا سالىنعان كلۋبتى الۋعا 3 بىردەي ۇمىتكەر ىقىلاس بىلدىرگەن. ولاردىڭ قاتارىندا «بييك» سپورت سەرۆيس»، «نامىس» سپورت ورتالىقتارى جانە جەكە تۇلعا بار. باستاپقى باعا 248 ملن. بولىپ بەلگىلەنگەن، دەپ حابارلايدى Qamshy.kz اقپارات اگەنتتىگى kk.tvk-uko.kz سايتىنا سىلتەمە جاساپ.

حالىق اراسىندا ەكى جىل بويى جۇرگەن قاۋەسەت اقىرى شىندىققا اينالدى - قازاقستاننىڭ پرەمەر-ليگاسىندا وينايتىن جالعىز فۋتبول كلۋبى وڭتۇستىكقازاقستاندىق «ورداباسى» جەكەشەلەندىرىلدى.

«ورداباسى» كاسىبي فۋتبول كلۋبى» اكسيونەرلىك قوعامىنىڭ ساتىلۋى جونىندەگى اقپارات بۇعان دەيىن gosreestr.kz مەملەكەتتىك مۇلىك رەەسترى سايتىندا پايدا بولدى. باستاپقى باعا 248 ملن. تەڭگە كولەمىندە بەلگىلەنگەن. «ورداباسىلىقتاردى» يەلەنۋ قۇقىعى ءۇشىن ءۇش كانديدات، اتاپ ايتقاندا، «بييك» سپورت سەرۆيس»، «نامىس» سپورت ورتالىعى جانە جەكە تۇلعا تالاستى. ولاردىڭ قايسىسى رەكوردتى 502 ملن. تەڭگەنى تولەگەندىگىن وبلىستىق قارجى باسقارماسى ناقتىلامادى.  

«بۇگىن تەندەر ءوتتى. - ساتىپ الۋشى كىم بولدى؟ - بۇل اقپاراتتى باسشىلىقپەن كەلىسۋ كەرەك. - ياعني بۇل اقپارات جاريا ەتىلمەيدى عوي؟ - ءيا، ازىرگە كەلىسىمشارت جاساسقانىمىز جوق. ول ءالى دە باس تارتۋى مۇمكىن»،- دەپ ءمالىم ەتتى وقو قارجى باسقارماسىنىڭ مامانى. 

«ورداباسى» فۋتبول كلۋبى 1998 جىلى «توميريس» اتاۋىمەن قۇرىلعان بولاتىن. 2003 جىلى قازىرگى اتاۋىنا يە بولدى. قازاقستاننىڭ جالپى تۋرنيرلىك كەستەسىندە ءۇشىنشى ورىندا ورنالاسۋدا.