گەرمانيادا ادولف گيتلەردىڭ اۆتورلىق كارتيناسى اۋكسيونعا ءتۇسىپ  130 000 ەۋروعا ساتىلعان. بۇل تۋرالى ريانوۆوستي حابارلايدى.

1916 جىلى بەينەلەنگەن كارتينا «زاگس/ەسكى راتۋشا» دەپ اتالىپ، استىنا ا. گيتلەر دەپ قول قويعان ەكەن. كارتينانىڭ اۋكسيونداعى باعاسى 4،5 مىڭ ەۆرودان باستالعان.

كارتينا اقشىل ءتۇستى ماتاعا سالىنىپ، وندا ەكى عيمارات بەينەلەنگەن.

بۇل گيتلەردىڭ 1905-1920 جىلدار ارالىعىندا سالىنعان 2 000-داي كارتيناسىنىڭ بىرەۋى عانا. ساتىپ الۋشى تاياۋ شىعىس ەلىنەن كەلگەن اۋكسيونەر.

بايقاۋ زاڭدى تۇردە ءوتتى. گەرمانيادا بىلەتىنىمىزدەي «ۇلتشىلدىق» سيمۆوليكاسى بار دۇنيەلەر ساتىلىمعا شىقپايدى.

گيتلەر جاس كۇنىنەن سۋرەتشى بولۋدى ارمانداپتى. ەكى مارتە سۋرەتشىلەر اكادەمياسىنا ەمتيحان تاپسىرىپ، تۇسە الماي قالعان كورىنەدى. سالعان كارتينالارىندا ادامداردى بەينەلەمەي، قالانىڭ نە اۋىلدىڭ، عيماراتتاردىڭ سۇلباسىن عانا كورۋگە بولادى.