سىرتقى ىستەر ءمينيسترى قايرات ءابدىراحمانوۆ مىسىر سىرتقى ساياسي ۆەدومستۆوسىنىڭ باسشىسى سامەح شۋكريمەن تەلەفون ارقىلى اڭگىمەسى بارىسىندا التى قازاقستاندىق ازاماتتىڭ كايردە ۇستاپ اكەتىلۋى بويىنشا احۋالدى تالقىلادى، دەپ حابارلايدى Qamshy.kz اقپارات اگەنتتىگى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
تەلەفون ارقىلى سۇحبات 27 شىلدەنىڭ كەشىندە قازاقستان تاراپىنىڭ باستاماسى بويىنشا جۇرگىزىلدى.
«قازاقستان مىسىرلىق بيلىكتەن جاس ازاماتتاردىڭ ۇستاپ اكەتىلۋ سەبەپتەرى مەن ولاردىڭ قازىرگى تاڭدا بولۋ مەكەنجايى، دەنساۋلىقتارى تۋرالى تولىق اقپاراتتى كۇتىپ وتىر»، دەدى قايرات ءابدىراحمانوۆ. ۇستاپ الىنعانداردىڭ بارلىعىمەن قازاقستان كونسۋلىنىڭ كەزدەسۋىن ۇيىمداستىرۋ قاجەت.
س. شۋكري قويىلعان سۇراقتاردى تولىعىمەن ءتۇسىنىپ وتىرعانىن جانە ولاردىڭ دايەكتىلىگىن ايتىپ، بۇل ماسەلەلەردى شەشۋدە بارىنشا جاردەم كورسەتۋگە ۋادە بەردى.
سونداي-اق، مينيسترلەر اڭگىمە بارىسىندا نەگىزىن جوعارعى دەڭگەيدەگى كەزدەسۋلەر قالاعان ەكى مەملەكەت اراسىنداعى ساياسي، ساۋدا-ەكونوميكالىق جانە مادەني-گۋمانيتارلى ىنتىماقتاستىقتىڭ دامۋ بارىسىن تالقىلادى.
