رەسەيدىڭ ساراتوۆ وبلىسىنان 4 يمام قازاق ءتىلىن ۇيرەنۋ نيەتىمەن الماتى قالاسىندا 1 اي مەرزىمدە ءبىلىم الدى دەپ حابارلايدى Qamshy.kz اقپارات اگەنتتىگى ق ر ءدىني باسقارماسىنىڭ باسپا ءسوز قىزمەتىنە سىلتەمە جاساي وتىرىپ.

يمامداردىڭ ءبىرى – تاجىك، قالعان ۇشەۋى – قازاق ۇلتىنان ەكەن. قازاق ءتىلىن ۇيرەنۋلەرىنىڭ سەبەبىن سۇراعاندا: «ءبىز قىزمەت ەتەتىن ايماقتىڭ ۇشتەن ءبىر بولىگى – قازاقتار. ولارعا ءدىن ۇيرەتۋدىڭ ەڭ ءتيىمدى جولى –  ولاردىڭ ءوز تىلىندە سويلەپ، انا ءتىلى ارقىلى ءدىندى ءتۇسىندىرۋ»، –  دەگەن سوزدەرمەن ماقساتتارىن ءتۇسىندىردى.

شىنىندا، قازاق ادەبيەتى تۇنعان ءدىن مەن ءداستۇر قۇندىلىقتارى. ءبىر عانا اباي اتامىزدىڭ «قارا سوزدەرىنىڭ» ءوزى – يسلامداعى سەنىم ماسەلەلەرى مەن ادامگەرشىلىك قۇندىلىقتاردى تولىق قامتىعان دەسە، قاتەلىك ەمەس، – دەپ حابارلايدى الماتى ورتالىق مەشىتىنىڭ باسپا ءسوز قىزمەتى.

ءوز كەزەگىندە الماتى قالاسىنىڭ وكىل يمامى نۇربەك اۋەسحان ۇلى ءدىن مەن ءداستۇر جاناشىرى باس ءمۇفتي ەرجان قاجى مالعاجى ۇلى اتىنان ەلىمىزگە ىزگى ماقساتپەن كەلگەن يمامدارعا قمدب يمامدارىنىڭ رەسمي شاپانىن جاپتى.

نۇربەك قاجى اۋەسحان ۇلى: «الداعى ۋاقىتتا ءبىلىم الۋعا كەلەتىن رەسەيلىك قانداستارىمىزدى قۇشاق جايىپ قارسى الۋعا دايىنبىز. ءدىني وقۋ ورىندارىندا دا ءبىلىم الۋعا جول اشىلادى دەگەن ويدامىن»، – دەپ ىستىق لەبىزىن ءبىلدىردى.