9 تامىزدا اۋەجاي اۋماعىندا استانا قالاسىنىڭ كولىك كەڭەستىگىنىڭ ءبىرىڭعاي ساياساتىن ىسكە اسىرۋ اياسىندا 806 ورىنعا ارنالعان اقىلى تۇراق بويىنشا پيلوتتىق جوباسى ىسكە قوسىلعان بولاتىن. 
اقىلى تۇراقتىڭ باعا ساياساتى: تۇراق اۋماعىندا كولىكتى قويۋ 30 مينۋت – تەگىن. ءارى قاراي: ءبىرىنشى ساعاتى – 300 تەڭگە، كەلەسى ساعات –  1500 تەڭگە.  

بۇل باعا كورسەتكىشى قالا تۇرعىندارى مەن قوناقتارىنىڭ قولايلىعى ءۇشىن بوس كولىك تۇراعىن قامتاماسىز ەتۋ ماقساتىندا استانا قالاسىنىڭ ەسكى تەمىرجول ۆوكزالىنىڭ اۋماعىندا ورناتىلعان.  

«استانا LRT» ج ش س كولىكتى ۇزاق ۋاقىتقا 266 ورىنعا ارنالعان تۇراقتا قالدىرۋعا كەڭەس بەرەدى، وندا بەينەكامەرا ورناتىلعان، تاۋلىك بويى كۇزەتىلەدى. كولىكتى تۇراققا قويۋ باعاسى 1 تاۋلىككە 2000 تەڭگە.

وعان قوسا حالىقارالىق اۋەجاي اۋماعىندا جولاۋشىلار ءوز كولىكتەرىن قالدىرا الاتىن تەگىن تۇراق تا بار. كولىكتەرىن تۇراققا قالدىرىپ كەتكەنى ءۇشىن باستاپقىدا جولاۋشىلاردان 57 مىڭ تەڭگە سوماسىندا اقى تالاپ ەتىلگەن، كەيىن ولاردىڭ بۇل اقىلى تۇراق ەكەنىن بىلمەگەنى انىقتالدى، وسىلايشا باعا ساياساتى اۋىسىپ، ولار نەبارى 2000 تەڭگە مولشەرىندە اقى تولەدى. وسى جاعدايعا بايلانىستى جولاۋشىلارعا اۋەجاي اۋماعىندا كولىك تۇراعىنىڭ باعا ساياساتى جونىندە اقپارات بەرىلدى.

– ءبىز ادامدارمەن ءتۇسىندىرۋ جۇمىستارىن وتكىزۋ كەرەكتىگىن تۇسىندىك، ولار كولىك تۇراعىنا قاتىستى اقپاراتپەن تانىس بولعانى جونىندە قۇجاتقا قول قويدى. ناتيجەسىندە ءبىز ادامگەرشىلىك ءارى تۇسىنىستىك تانىتىپ، ولاردان نەبارى 2000 تەڭگە تالاپ ەتتىك. ادامدار اۋەجايدى قايتا قالپىنا كەلتىرۋ كەزىندە كولىك تۇراعى تەگىن بولعانىنا ۇيرەنىپ قالعان، –  دەدى «استانا LRT» ديرەكتورى رۋستام حاليليەۆ.

الداعى ۋاقىتتا كولىك تۇراعىنا كىرىپ-شىققانى ءۇشىن اقى تولەۋگە مۇمكىندىك بەرەتىن قوسىمشا ەنگىزۋ جوسپارلانۋدا، سونداي-اق ابونەمەنتتىك جۇيەنى ەنگىزۋ ماسەلەسى دە قاراستىرىلاتىن بولادى.