وڭتۇستىك قازاقستان وبلىسىنداعى ءبىلىم باسقارماسىنا جاڭا باسشى تاعايىندالدى. وبلىس اكىمىنىڭ وكىمىمەن بۇل قىزمەتتى ساعىندىقوۆ يساتاي ءومىرزاق ۇلى اتقاراتىن بولدى، دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە  سىلتەمە جاساي وتىرىپ.

جاڭا باسشىنى ءبىلىم باسقارماسىنىڭ ۇجىمىنا وبلىس اكىمىنىڭ ورىنباسارى ۇلاسبەك سادىبەكوۆ تانىستىردى.

يساتاي ءومىرزاق ۇلى 1960 جىلى تۋعان، ءبىلىمى جوعارى، ماماندىعى بويىنشا ماتەماتيك، پەداگوگيكا عىلىمدارىنىڭ كانديداتى.ءتورت ءتىلدى مەڭگەرگەن.

1983 جىلى قازسسر عىلىم اكادەميا سەيسمولوگيا ينستيتۋتىنىڭ ينجەنەرى بولىپ باستاعان.

1992-2015 جىلدارى ارالىعىندا  قازاقستان رەسپۋبليكاسى ءبىلىم جانە عىلىم مينيسترلىگى جوعارى بەيىندىك ءبىلىم ءبولىمىنىڭ جەتەكشى مامانى، رەسپۋبليكالىق تەست ورتالىعى ديرەكتورىنىڭ ورىنباسارى، حالىقارالىق بايلانىس باسقارماسى ءبولىمىنىڭ باستىعى، ۇلتتىق مەملەكەتتىك ءبىلىم جانە تەست ورتالىعى مەملەكەتتىك ءبىلىم ستاندارتتارى باسقارماسىنىڭ باسشىسى، ۇلتتىق مەملەكەتتىك ءبىلىم جانە تەست ورتالىعى ديرەكتورىنىڭ ورىنباسارى،  رەسەي فەدەراسياسىنداعى قازاقستان رەسپۋبليكاسىنىڭ ەلشىلىگىنىڭ ءبىرىنشى حاتشىسى، ۇلتتىق تەست ورتالىعىنىڭ ديرەكتورى، وڭتۇستىك قازاقستان وبلىسى بويىنشا ءبىلىم سالاسىنداعى باقىلاۋ دەپارتامەنتىنىڭ ديرەكتورى قىزمەتتەرىن اتقارعان.

2015 جىلدىڭ تامىزىنان بۇگىنگى كۇنگە دەيىن تۇركىمەنستانداعى قازاقستان رەسپۋبليكاسىنىڭ ەلشىلىگىنىڭ كەڭەسشىسى لاۋازىمىن اتقارعان.