اتىراۋ وبلىسى ءىىد ۇيىمداسقان قىلمىسقا قارسى اگەنتتىگى جالعان پاتەرلەر ساتىپ الاياقتىقپەن اينالىسقان 35 جاستاعى جىگىتتى قولعا ءتۇسىردى. بۇل تۋرالى اق جايىق ءىىد سىلتەمە جاساي وتىرىپ Qamshy.kz حابارلايدى.

بۇل جىگىت اتىراۋ قالاسىنان بىرنەشە ساۋلەتتى تۇرعىن ۇيلەردى جالعا الىپ، ساتىلىمعا شىعاراتىنى جونىندە جارنامالار بەرگەن. تۇرعىن ۇيلەردىڭ بانكتەگى نەسيەسىن وتەي الماعانداردان تارتىپ الىنعان پاتەرلەر ەكەنىن ايتىپ الداعان. ءۇي قاعازدارىن سۇراعاندارعا، بارلىق قۇجاتتاردىڭ الماتىداعى وفيستە جاتقاندىعىن ايتىپ، ساتىپ الۋ ءۇشىن الدىن الا تولەم جاساۋىن سۇراعان.

وسى سوزگە يلانعان ساتىپ الۋشىلار اسا ءىرى كولەمدەگى قاراجاتتارىن العاشقى تولەم رەتىندە بەرگەن. جىگىت الاياقتىعىنىڭ سالدارىنان تۇرعىندار 200، 000، 000 تەڭگەگە شىعىنعا باتىپ وتىر. ۇستالعان جىگىت اقشانى بۋكمەكەرلىك ويىنداردان ۇتقىزىپ جىبەرگەندىگى جايىندا مالىمدەگەن.

قۇدىكتىنىڭ ۇستىنەن ق ر قىلمىستىق كودەكسىنىڭ 177 تارماعى(الاياقتىق) بويىنشا قىلمىستىق ءىس قوزعالىپ وتىر.

ورىنبەك ب.