الماتىدا Open Almaty جوباسى اياسىندا كاسىپكەرلەرگە ارنالعان حقكو اشىلادى، دەپ حابارلايدى Qamshy.kz اقپارات اگەنتتىگى.

بۇل تۋرالى الماتىدا ءوتىپ جاتقان بيزنەس سەمينار بارىسىندا ايماقتىق كاسىپكەرلەر پالاتاسىنىڭ ديرەكتورى يۋريي تىلەۋمۇراتوۆ ايتتى.

جيىن بارىسىندا ماماندار وتاندىق ەكسپورت كولەمىن ۇلعايتۋ مەن زاماناۋي اقپاراتتىق تەحنولوگيالاردى قولدانا وتىرىپ ەكسپورتتى جانداندىرۋ ماسەلەلەرىن تالقىلادى.

«اتامەكەن» ۇلتتىق كاسىپكەرلەر پالاتاسىنىڭ وكىلى بولاشاقتا الماتىلىق كاسىپكەرلەردى قانداي جاڭالىقتار كۇتىپ تۇرعانىن ايتتى.

«10 كۇننەن سوڭ قىركۇيەك ايىندا اكىمدىكتىڭ قولداۋىمەن Open Almaty اياسىندا قوعامدىق قابىلداۋ، call-ورتالىق اشىلادى. ءبىرىنشى كەزەك الماتى تاۋەرس عيماراتىندا اشىلادى. اكىمدىكتىڭ قوعامدىق قابىلداۋىندا كاسىپكەرلەردىڭ كەز-كەلگەن ساۋالىنا جاۋاپ بەرىلىپ، بەلگىلى ءبىر سپەكتردەگى قىزمەت كورسەتىلەتىن بولادى. ەكىنشى كەزەك 1 قاڭتاردان باستاپ ىسكە قوسىلادى. مۇندا دا بارلىق مەملەكەتتىك ورگاندار، مونوپوليستەر كاسىپكەرلەرگە قىزمەت كورسەتەتىن بولادى. ياعني، الماتىدا كاسىپكەرلەرگە ارنالعان حقكو اشىلادى دەپ ايتۋعا تولىق قاقىمىز بار»، - دەدى يۋ.تىلەۋمۇراتوۆ.

سونداي-اق كاسىپكەرلەرگە الاتاۋ اۋدانىنداعى ارنايى ەكونوميكالىق ايماقتىڭ مۇمكىندىكتەرى ايتىلدى. ايماقتا ورنالاساتىن كاسىپكەرلەر ءۇشىن تۇپكىلىكتى شىعىندار ازايتىلاتىن بولادى. جەر ۋچاسكەسىنىڭ 1 شارشى مەترىن جالعا الۋ قۇنى 42 تەڭگە بولماق. بۇگىندە ايماقتا 275،6 گا جەر كولەمىنىڭ 200 گا ايماعىندا ءتۇرلى وندىرىستەر اشىلعان.

ايماقتىق كاسىپكەرلەر پالاتاسى باسشىسىنىڭ ايتۋىنشا، قازىرگى تاڭدا شوب سۋبەكتىلەرىن ورنالاستىرۋعا ارنالعان شاعىن يندۋستريالدىق ايماقتاردىڭ ماسەلەسى قاراستىرىلىپ جاتىر.

«بۇل بارلىق قاجەتتى ينفراقۇرىلىمدارمەن قامتىلعان جەڭىلدىكپەن بەرىلگەن ورىندار بولادى. كاسىپكەرلەر قۇرال-جابدىقتارىن اكەپ بىردەن جۇمىسقا كىرىسىپ كەتە الادى. ولاردىڭ اراسىندا جەڭىل ونەركاسىپ، تاعام ونەركاسىبى، جيھاز ءوندىرىسى بار»، - دەدى يۋريي تىلەۋمۇراتوۆ.

ايتا كەتۋ كەرەك، الماتى ايماعى وڭىرلەر اراسىندا سىرتقى ساۋدا كولەمى بويىنشا - 2 ورىندا (19،5 %)، ەكسپورت بويىنشا - 6 ورىندا (7،3%)، وڭدەلگەن ەكسپورت بويىنشا - 3 ورىندا (12،4 %) تۇر.

وتكەن جىلى «Kazakh Invest» مالىمەتى بويىنشا الماتىداعى ەكسپورت 2،7 ملرد دوللارعا جەتتى.

وpen Almaty الماتى اكىمدىگىنىڭ باستاماسىمەن قۇرىلعان اقپاراتتىق پورتال. اتالعان دەرەك قورىنان كەز-كەلگەن الماتىلىق وزىنە قاجەتتى اقپاراتتى الادى.

OPEN ALMATY دەگەن نە؟

بۇل - قالا تۇرعىندارىنىڭ ومىرىندە بولىپ جاتقان جاعدايلاردى وڭتايلى شەشۋگە كومەكتەسىپ، جەرگىلىكتى جانە مەملەكەتتىك اتقارۋشى بيلىك مەكەمەلەرىنىڭ اشىقتىعىن، ەسەپ بەرۋ مىندەتتىلىگىن قامتاسىز ەتەتىن الماتى قالاسى اكىمدىگىنىڭ ءبىرىڭعاي جوباسى.

بۇل جوبا قاشان باستالدى؟

قالا تۇرعىنداردىڭ ومىرلىك جاعدايلارىندا بولىپ جاتقان ءار-تۇرلى ماسەلەلەردى وڭتايلى شەشۋ ءۇشىن 2017 جىلدىڭ 10 مامىرىندا ەڭ قاجەتتى اقپاراتتى قامتيتىن OpenAlmaty پورتالى ءوز جۇمىسىن باستادى.

پورتالدا كەلەسى وتە پايدالى جانە ەڭ قاجەتتى اقپاراتتى تابۋعا بولادى:

قالا انىقتامالىعى:

• جەرگىلىكتى اتقارۋشى مەكەمەلەر؛

• مەديسينالىق، ءبىلىم بەرۋ جانە ءدىني ۇيىمدار؛

• تەلەفون قىزمەتتەرى؛

• ۇكىمەتتىك ەمەس ۇيىمدار؛

• حالىققا قىزمەت كورسەتۋ ورتالىقتارى؛

• پيك (كسك)؛

• جولاۋشىلار كولىگى (اۆتوپاركتەر جانە باعىتتار).

كارتالار

• ميكرواۋداندار؛

• قايتالاما شيكىزاتتاردى قابىلداۋ ورىندارى؛

• جىلىتۋ جەلىلەردى، اۋلالاردى، جولداردى، پاركتەردى جانە ساياباقتاردى جوندەۋ جۇمىستارىنىڭ جوسپارلارى، ايالدامالاردى ورناتۋ جوسپارى

بوس جۇمىس ورىندار مەن تۇيىندەمەلەر قورى 
قولدانۋشىلاردىڭ سۇراقتارىنا جاۋاپتار

ومىرلىك جاعدايلار دەپ نەنى تۇسىنەمىز؟

ومىرلىك جاعدايلار دەگەنىمىز – بىزبەن كۇندەلىكتى بولىپ جاتاتىن وقيعالار. مىسالى: بالاڭىزدى باسقا مەكتەپكە اۋىستىرۋ كەرەك بولسا، ءبىز ونى قالاي جاساۋدى ايتامىز. الەۋمەتتىك تۇرعىن ءۇيدى العىڭىز كەلسە، ءبىز ونى قالاي جاساۋعا بولاتىنىن ايتامىز. جەكە بيزنەستى اشقىڭىز كەلسە، ءبىز ونى قالاي جاساۋدى ايتىپ بەرەمىز. ەگەر ءسىزدىڭ ماسەلەڭىز شەشىلمەسە نەمەسە قانداي دا ءبىر شاعىمدارىڭىز بولسا، پورتالدا ءوتىنىشتى قالدىرۋعا بولادى. وسى وتىنىشكە ءبىز مىندەتتى تۇردە تولىق جاۋاپ بەرىپ، ءتيىستى مەكەمەلەرگە ارىز حاتتى جەتكىزەمىز.