دەمالىس كۇندەرى ەلىمىزدىڭ باسىم بولىگىندە كۇن ىستىق بولادى، دەپ حابارلايدى Qamshy.kz اقپارات اگەنتتىگى قازگيدرومەت مالىمەتىنە سۇيەنىپ.
اۋقىمدى انتيسيكلون رەسپۋبليكانىڭ باسىم بولىگىنە ءالى دە ىقپال ەتەدى، وسىنىڭ اسەرىنەن از بۇلتتى جانە ىستىق اۋا رايى ساقتالادى. تەك باتىستا اتموسفەرالىق فرونتتىڭ وتۋىنە بايلانىستى وتكىنشى جاڭبىر جاۋىپ، كۇن كۇركىرەپ، بۇرشاق ءتۇسۋى مۇمكىن.
كۇندىز تەرمومەتر باعاناسى 28-38 گرادۋسقا دەيىن كوتەرىلەدى، ال شىعىس، باتىس جانە وڭتۇستىك-شىعىستا كۇن 25-33 گرادۋسقا دەيىن ىسيدى.
استانادا دەمالىس كۇندەرى جاڭبىر جاۋمايدى. كۇندىز اۋا تەمپەراتۋراسى +31+33°س بولادى.
28 تامىزدا وتكىنشى جاڭبىر جاۋىپ، كۇن كۇركىرەيدى. كۇندىز اۋا اۋا تەمپەراتۋراسى +30+32°س بولادى.
