قازاقستاننىڭ ازاماتتىق قوعام جانە ءدىن ىستەرى جونىندەگى مينيسترلىگى اتەيستەر سەزىمىنە ءتىل تيگىزگەندەردى جاۋاپقا تارتۋدى قاراستىراتىن زاڭ جوباسىن ازىرلەدى، دەپ حابارلايدى Qamshy.kz اقپارات اگەنتتىگى سentralasian.org سايتىنا سىلتەمە جاساپ.
زاڭ جوباسىنىڭ ءماتىنى 14 تامىزدا مينيسترلىك سايتىندا جاريالاندى. ول بويىنشا، ءدىندار ادامداردىڭ سەنىمىنە، ولاردىڭ ءدىني قىزمەتىنە كەدەرگى كەلتىرگەن جەكە تۇلعالارعا 700 دوللارعا دەيىن ايىپپۇل سالۋ قاراستىرىلعان.
مينيسترلىكتەگىلەر ميسسيونەرلىك قىزمەت ءۇشىن جاۋاپكەرشىلىك ەنگىزۋدى ۇسىنىپ وتىر. ءدال وسىنداي ۇسىنىس كورشىلەس رەسەيدە "ياروۆا پاكەتى" دەگەن اتاۋعا يە بولعان ەدى. بۇعان قوسا قازاقستاندا ءدىني ۇيىمدارعا ەلدىڭ ساياسي قىزمەتىنە قاتىسۋعا جانە قارجىلاندىرۋعا تىيىم سالىنۋى مۇمكىن. زاڭدى بۇزعاندار ەكى مىڭ دوللاردان استام ايىپپۇل سالىنۋى مۇمكىن، الا شەتەل ازاماتتارى ەلدەن شىعارىلادى.
ءدىني ۇيىم باسشىلارىنا كامەلەت جاسقا تولماعانداردى ۇيىم قىزمەتىنە تارتقانى ءۇشىن 680 دوللار كولەمىندە ايىپپۇل سالىنۋى مۇمكىن.
قازاقستاندا ءدىني ءبىلىم العاندار عانا شەتەلدىڭ ءدىني وقۋ ورىندارىندا ءبىلىم الا الادى.
