قازاقستاندا العاش رەت ءتىل فەستيۆالى اياسىندا ۇيىمداستىرىلعان حالىقارالىق جايدارمان ويىنى ءوز مارەسىنە جەتىپ، قىرعىزستان قۇراماسى جەڭىمپاز اتاندى دەپ حابارلايدى Qamshy.kz.

شارانى ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ قولداۋىمەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى جانە قازاقستان كۆن وداعى ۇيىمداستىرعان بولاتىن.

قىرعىزستان، تاتارستان، باشقۇرتستان ەلدەرىنەن جانە قازاقستاندىق بىرنەشە توپتار ونەر كورسەتكەن سايىس جوعارى دەڭگەيدە ءوتتى. بۇرىن جايدارماننىڭ ىشكى بىرىنشىلىگىنە قاتىسىپ، تاجىريبە جيناعان قىرعىزستاندىقتار ويىنعا تىڭعىلىقتى دايىندىقپەن كەلىپ، باس جۇلدەمەن قوسا 500 000 تەڭگە اقشالاي سىيلىقتى يەمدەندى. ءى ورىن مەن 350 000 تەڭگەنى قازىلار القاسى ءبىراۋىزدان «تاتارستان قۇراماسىنا» بەرسە، ءىى ورىن العان باشقۇرتستاننان كەلگەن كومانداعا 300 000 تەڭگە اقشالاي سىيلىق بۇيىردى. ال ءىىى ورىن مەن 150 000 تەڭگە ەكى كومانداعا - تورعاي ءوڭىرىنىڭ نامىسىن قورعاپ كەلگەن «ارۋ.كز» توبى مەن «وقو قۇراماسىنا» بەرىلدى.

سونداي-اق حالىقارالىق تۇركى اكادەمياسىنىڭ پرەزيدەنتى دارحان ءقىدىرالى اكادەميا اتىنان جاركەنتتىك ۇيعىر جاستارىنان قۇرالعان «Lagman.com» توبى مەن تۇركىستاندىق وزبەكتەر قۇراماسى «ياسسى» توبىنا 250 000 تەڭگە ارنايى اقشالاي سىيلىق ۇسىندى.

ساتيريك كوپەن امىربەك باستاعان قازىلار القاسى قۇرامىندا حالىقارالىق تۇركى اكادەمياسىنىڭ پرەزيدەنتى، «ەگەمەن قازاقستان» رەسپۋبليكالىق گازەتى» اق باسقارما ءتوراعاسى دارحان ءقىدىرالى، ق ر ينۆەستيسيالار جانە دامۋ مينيسترلىگi قوعاممەن بايلانىس ءبولiمiنiڭ مەڭگەرۋشiسi بەرىك ءۋالي، «رەسپۋبليكالىق راديولار» ج ش س ديرەكتورى ءمادي ماناتبەك، اكتەر نۇركەن وتەۋىلوۆ ويىنعا تورەلىك ەتتى.

ويىن سوڭىندا جالىندى جولدارىمەن ءسوز العان مەملەكەت جانە قوعام قايراتكەرى ورازكۇل اسانعازى قىزى جاستاردىڭ انا تىلىنە دەگەن سۇيىسپەنشىلىگىن ارتتىرۋعا، پاتريوتتىق سەزىمىن وياتىپ، رۋحتى سوزدەرىمەن قاسيەتتى ءتىلىمىزدىڭ مارتەبەسىن كوتەرۋگە شاقىردى. ديپلوم جانە اقشالاي سىيلىقتاردى ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى ءتوراعاسىنىڭ م.ا. عالىمجان سارسەنباي ۇلى جەڭىمپازدارعا تابىستاپ، قۇتتىقتاۋ سوزىمەن ويىندى قورىتىندىلادى.

ويىندى «قازاقستان» ۇلتتىق ارناسىنان كورسەتۋ جوسپارلانىپ وتىر.