سيريا اسكەرى رەسەي اۋە كۇشتەرىنىڭ قولداۋىمەن گانەم-الي قالاسىنىڭ ماڭىنداعى «يراك جانە ليەۆانت لاڭكەستىك ۇيىمىنىڭ» قارۋلى توپتارىنا سوققى بەرىپ، 800 سودىردىڭ كوزىن جويدى. بۇل تۋرالى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ حابارلايدى.
سونداي-اق لاڭكەستەردىڭ 13 تانكى مەن 39 كولىگىن جانە 9 زەڭبىرەگىن تالقاندادى. ءقازىر جەڭىسكە جەتكەن گەنەرال حاسان سۋحەل اسكەرى ەفراتتىڭ شىعىسىنداعى دەير-ەز-زور قالاسىنا قاراي بەت العان. ماقسات – سودىرلاردىڭ سيرياداعى سوڭعى بەكىنىسىن قورشاپ، تاس-تالقان ەتۋ. شاھاردىڭ ءوزى ۇكىمەت اسكەرىنىڭ قولىندا. ءبىراق سودىرلار ونى 2014 جىلدان بەرى قورشاۋدا ۇستاپ، شابۋىلداپ كەلەدى.
