شقو-دا شاحتەر كۇنى جانە بەلوۋسوۆكا كەن ورنىنىڭ 220 جىلدىعىنا وراي مەرەكەلىك شارا ءوتتى. كەن ءوندىرىسىنىڭ قىزمەتكەرلەرىن كاسىبي مەرەكەلەرىمەن قۇتتىقتاعان وبلىس اكىمىنىڭ ورىنباسارى شالقار بايبەكوۆ 18 وتباسىعا جاڭا پاتەر كىلتىن تابىستادى، دەپ حابارلايدى Qamshy.kz اقپارات اگەنتتىگى شقو اكىمدىگىنىڭ باسپا ءسوز قىزمەتىنە سىلتەمە جاساپ.

– تاۋ-كەن ءوندىرىسى ايماق ەكونوميكاسىنىڭ سەرپىندى سالاسى بولىپ قالىپتاسقان. سوندىقتان بولار، وبلىستىڭ ءاربىر ءتورتىنشى تۇرعىنى وسى سالادا قىزمەت اتقارىپ كەلەدى. شاحتەر – كۇش-جىگەر مەن شىدامدىلىقتى تالاپ ەتەتىن سالا. سىزدەردى وبلىس اكىمى دانيال احمەتوۆتىڭ اتىنان شىن جۇرەكتەن قۇتتىقتاي وتىرىپ، جانۇيالارىڭىزعا باقىت تىلەيمىن، – دەدى شالقار بايبەكوۆ.

قۇتتىقتاۋ سوزدەرىنەن كەيىن ايماق باسشىسىنىڭ ورىنباسارى بەلورۋسوۆكا كەنتىنىڭ تۇرعىندارىنا 18 جاڭا پاتەردىڭ كىلتىن تابىستادى. سونداي-اق، تاۋ-كەن وندىرىسىندە قىزمەتتە ۇزدىك دەپ تانىلعان شاحتەرلار العىس حاتپەن ماراپاتتالدى. مەرەكەلىك شارا كونسەرتتىك باعدارلامامەن جالعاسىن تاپتى.